今晚老公收夜...我同will will & merry先食飯...今晚煲左節瓜魚湯,蒸排骨同青豆炒魚片...will will竟然同我講唔飲湯...d湯唔好飲...我同佢講d湯好有營養好好味ka...再試先la...佢係都唔試...仲不斷問我點解要飲湯...重複又同佢解釋d湯對身體好又會快高長大...佢唔聽係都唔肯飲...當時既我開始無明火起...我就好惡咁同佢講...如果唔飲湯連飯都唔可以食..即刻出門口...之後will will就大喊...兩行眼淚仲湧晒出嚟...我唔理佢繼續飲湯...佢仍然大喊唔肯飲...我再同佢講多一次...唔飲湯連飯都唔可以食..即刻出門口...之後我都冇采佢...等到佢收聲同我講...媽咪..我而家試飲左la...我先采佢...最後終於飲晒個半碗湯可以食飯... 我問will will..你想開開心心食飯定喊住食吖?...will will流住眼淚同我講...開開心心食...之後用隻手攬住我條頸同我講..媽咪,對唔住呀!...當時媽咪聽到你咁誠懇地say sorry差點也哭埋...我再同佢講...媽咪都唔想鬧你..只不過你既偏食越來越嚴重...如果媽咪讓你再係咁落去...你係唔會快高長大..身體亦唔會健康ka...冇事之後2母子就開開心心咁食飯...
給will will的話:
媽咪堅持每天返工前親自去街市買餸...都係想一家人可以食到最新鮮既食物同水果...媽咪覺得只要你培養好良好既飲食習慣就會擁有健康身體...你就可以每天精精神神咁去返學...亦都會令你開開心心快快樂樂地成長...你同爸爸既健康就等於媽咪既財富同幸福...希望你會明白媽咪既堅持...
你喜歡食多種水果,除左榴槤唔食之外...媽咪要特別讚賞你!
仲有你喜愛的食物只有:豆腐,菇類,雞肉,粉絲,雞蛋,西蘭花,壽司飯,粉麵
