親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
英賢
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日媽媽要自己照顧哥哥和妹妹, 而公公婆婆又休息, 所以媽媽食完早餐收拾好東西就帶著哥哥妹妹前往婆婆家. 一到婆婆家,公公就要帶英賢去街, 英賢當然好開心,二話不說就拖著公公手去街. 回來時,英賢又和公公一起睡覺,而媽媽亦帶妹妹去公園玩耍, 英賢和公公睡醒後,打開門英賢手裡多了一支機關槍, 應該是和公公去街買的,媽媽己吩咐公公不要買東西給英賢, 每次英賢跟公公或婆婆出街,總是會買玩具回來, 媽媽不想公公婆婆寵壞英賢. 我們留在婆婆家食晚飯,食完晚飯英賢亦不客氣地話要回家了, 當然不忘帶著機關槍回家...
今日媽媽見到英賢的學生手冊放在桌面, 原來媽媽忘記了要簽名, 當媽媽要簽名時, 發覺手冊裡溤老師寫了幾個字, 『這星期英賢在態度及禮貌上有很大的改善, 在家有嗎?』 hahahaa是何因由英賢會在態度及禮貌突然改變? 是否媽媽上次的教訓呢? 但上個星期英賢的確是比較乖, 最明顯的是識得和妹妹玩, 但還未識得要禮讓妹妹...
英賢一直想去沙灘,但前一排天氣又熱又焗, 今日天氣還不錯,英賢又要求去沙灘, 媽媽唯有滿足英賢的要求,收拾好沙灘用品後, 我們向泊麗灣出發. 首先搭的士到荃灣碼頭再坐船入泊麗灣, 到了沙灘,英賢沒以前的驚慌了, 自己拿出沙灘玩具及自己帶了2架玩具車, 自己玩尋找玩具車的遊戲. 但當要英賢去提水時,英賢又要媽媽一起下水, 哎,比妹妹還細膽,回來時又找不到車車了, 叫媽媽幫手找車,媽媽和英賢在沙灘上演了一場沙灘找車的遊戲, 最後當然是媽媽最先找到車車. 5點時,媽媽想回家時,英賢不肯回家 又要求玩多一會兒,所有我們玩到5點半左右, 搭5點47分的船回家. 回到家媽媽幫妹妹沖涼, 英賢己坐在沙發上睡著了, 媽媽叫醒英賢,幫英賢沖涼,讓英賢在浴盆裡玩水, hahahaa英賢又生猛了,沒了睡意. 本想英賢今日沒午睡,晚上會早點睡覺, 但依然是11點半才睡覺...
學校又有通告了, 又有趣班了, 這樣英賢又可以參加一些課外的活動, 有三個興趣班選擇有畫畫班,有中國舞蹈班, 又有中國舞龍醒獅班. 媽媽給英賢自行選擇其一; 英賢選擇了畫畫班, daddy問英賢為什麼不選擇中國舞龍醒獅班? 英賢: 因為舞龍醒獅要扎得好實. hahahaa是辛苦點吧,但英賢選擇坐著畫畫, 可見他又是怕辛苦的人>.
早上六點半,媽媽聞到一陣so味, 就已知道英賢又尿床了, 起床看看果然尿床了, 媽媽要幫英賢換衣服時又發現英賢流鼻血 可能是半夜流的關係,血液已零固了, 媽媽又要幫英賢抺身,又要幫英賢換床單, 好在daddy也起床幫手幫英賢抺鼻血, 應該是開冷氣乾燥的關係, 英賢很久都沒流鼻血了, 媽媽跟英賢講應該是開冷氣的關係導致流鼻血, 英賢: 作咩要開冷氣,我都叫daddy唔好開冷氣囉,佢又開... hahahaa... 收拾好床單後,唯有三個人睡一張床, 受苦的當然是夾在中間的媽媽, 左右轉不得,只可打側睡,今早腰酸背痛呀... 而其他2個就睡得好好的樣子, 母愛真偉大! Copyright 2002, BabyHome | 隱私權政策
兄妹齊上榜
今日又不用上學了, 英賢反而一早起床, 哎,真麻煩...
英賢昨晚給媽媽教訓了, 不過所教訓的方法不同了, 以前媽媽會比較爆燥, 會用打或是用幾乎咆哮的聲音去訓話, 今日媽媽用好溫柔地態度去同英賢聊天, 這招果然有效, 今晚食飯英賢主動去洗手, 洗完手跟媽媽講今晚要食得快及食完飯, 雖然食飯時慢些及最後都要幫手喂完最後幾啖 不過都算有進步,可以坐定定在飯桌前直至食完飯. 希望英賢在食飯方面再改進, 不用媽媽那麼勞氣了.
由於3號風球的關係, 英賢不用上學, 在家又無所事事 ... 不用上學對於家長來話 并不是太好事呢!!!
媽媽和英賢睡在床上,英賢睡不著所以就有很多問題問媽媽 英賢: mami呀)點解我地唔住青衣呀?青衣好靚 mami: 青衣,我地冇住過青衣呀... 英賢: 東涌線呀... mami: 荔景呀 英賢: 係呀,荔景,間屋好靚 mami: 點靚法呀... 英賢: 電視又靚,窗台又靚,門又靚...什麼都靚. haha... mami: 好喇,夜喇,瞓覺喇...good night! 英賢輾轉難眠... 英賢: mami呀))學校有d小朋友唔乖 mami: 係呀,點唔乖呀,你乖唔乖呀? 英賢: 我小小乖,小朋友唔講老師早晨,小朋友早晨就唔乖囉. mami: 咁你有冇講早晨呀 英賢: 我有呀... mami: 嗯,咁好喇,瞓喇...夜喇...此時媽媽己睡魔急call了. 一會兒,英賢又講 英賢: mami呀))我係學校靜係同黃德浩玩咋, mami: 點解呀 英賢: 因為我靜係鐘意同黃德浩玩囉... mami: 你要多d同小朋友一齊玩架. 英賢: 我靜係鐘意同靚d既小朋友玩咋 mami: #@#@#靚...點為之靚呀> 英賢: 葽黃德浩頭髮好香,其他d小朋友頭髮"答"晒落來, mami: 你都唔靚喇...靚唔靚都要同小朋友一齊玩 英賢: 葽黃德浩冇物頭髮,好短架...剃光頭先靚架...,mami不如我剃光頭喇 mami: #@#@#@ 上次同英賢去剪頭髮,英賢己話要剃光頭,原來是有同學剃光頭,而英賢又覺得剃光頭靚...
有daddy真好,英賢的功課不用媽媽操心及勞氣 前日漏了做的功課, 連新功課一共有五六版... 好在由daddy一手包辦, 英賢亦乖乖地坐定定做功課. 而且daddy教英賢做功課的方法及態度 比媽媽好十倍,daddy好叻! 不過當daddy教英賢五次以上,英賢還不識時, daddy亦相當勞氣,此時就由媽媽做中間人~ 冷靜,冷靜再冷靜~
今次真係名副其實的遊車河, 早上七點半起床,八點出門口 坐地鐵到荔枝角再轉小巴去婆婆家, 再由婆婆家坐巴士到旺角火車站, 坐完火車再轉坐大巴士到東莞, 好在英賢坐巴士到東莞的路程1個半小時左右的車程完全睡覺. 到東莞再坐車到達舅父家,難怪英賢講"坐咁多車仲未到" haha~到達舅父家己11點左右了. 休息一下,出去食午飯了,食完午飯英賢對舅父的車充滿好奇心, 問長問短...英賢連水潑都要玩,好在舅父有耐性,否則...後果不敢想像. 而婆婆媽咪則留在舅父家休息,公公就周圍走走, 當舅父要到別人公司拿辦時,英賢一支箭沖出去大叫舅父你要去哪裡, 無耐舅父又帶英賢出去遊車河,遊完車河回來時3點左右, 而我們怕假期完結會很多人過關,所以又提早回港, 我們坐下午3點45分的車到達深圳, 然後坐火車回港,過關時很多人,回到家己夜晚7點半了, 今日真是舟車勞頓,下次公公婆婆如果要去東莞最好去過一夜, 否則車程己坐了大半日,一日來回也真辛苦.
今日是大表哥16歲,鄉下的習慣要做16歲,應該是一個成年儀式. 英賢和小表哥相聚,就玩到忘形,兩個人玩得不亦樂乎... 回到家,睡前英賢跟媽咪講: 英賢: 媽咪,我今日同小表哥玩得唔够 媽咪: 咁都唔够,要點樣玩先够? 英賢: 要去迪士尼.... 媽咪著英賢早點睡覺,明天又要一早起床去東莞...
今天英賢學校開個中秋Party, 今早英賢一早起床,梳洗和早餐, 然後拿了媽咪幫英賢買的keroro汽車燈籠就和媽咪開開心心一起出門, 可能心情靚靚,所以見到姐姐講姐姐早晨,姨姨講姨姨早晨~ 燈籠有車輪的,爺爺不知道, 叫英賢不要把燈籠在地下拖著走 英賢跟爺爺說"燈籠有一個假車輪,一個真車輪,可以在地下行走的. 走行人天橋時, 英賢還是把燈籠在地下拖著走, 媽咪叫英賢不要拖著走,又不聽... 媽咪說不如你坐進車裡好了, 英賢好大反應:唔得架,假架,唔可以坐架. hahahaa...
平時英賢做功課時總是漫不經心地,而且寫幾個字用上不少時間, 今晚媽咪要帶妹妹去看醫生,英賢要跟著一起去,媽咪不允許, 理由是未做完功課,英賢立即去拿書包, 一邊拿書包一邊跟媽咪講"我做完功課就跟你一起去", 媽咪也沒理會英賢,幫妹妹換衣服,換完衣服英賢也做完功課, 拿給媽咪過目,這個英賢不單止涂好顏色, 還完成了寫十幾個"上"字,而且寫得比平時好, 用的時間是平時的十分一,可見英賢專心時可應付到功課, 但不想做功課想偷懶時就向媽咪求救. 而帶妹妹去看完醫生回家路上,英賢想自己推bb車, 但由於妹妹坐在bb車裡睡著了,所以媽咪不肯給英賢自己推, 英賢竟然發媽咪脾氣,怒氣沖沖地自己向前行, 直到要搭電梯才向後望一望, 上了平台媽咪叫英賢自己去公園冷靜,不再發脾氣再回家. 回到家媽咪幫英賢洗面洗腳時問英賢: 媽咪:還在生氣媽咪不給你推bb車嗎? 英賢理直氣壯地講: 梗係喇,你作咩特登唔俾我推bb車, 媽咪: 因為妹妹坐在車裡面,我驚你推不好,撞到妹妹... 英賢: 指手劃腳,用力點頭地講我話唔會撞到,你又唔信! 媽咪: 好喇,下次妹妹不坐在bb車裡,行人路又少人就給你推好不好? 英賢: 點點頭 媽咪: 那下次不要在街上發脾氣,知道嗎? 英賢: 不回應, 媽咪: 知道嗎? 英賢: 還是無動於終 媽咪: 要拿衣架才識回答嗎? 英賢: 搖搖頭,再答知道! 這個英賢固執又臭脾氣...
今日順便幫英賢在診所磅重, 英賢有43.5磅... 不過未知準不準...
今晚daddy幫英賢製作了個簡單的燈籠.製作過程daddy喃喃自語"年年都要製作燈籠,哎"好在daddy沒say no,不然下年要英賢媽製作,英賢媽買個現成的算了,要不然就是年年都製作同一款的燈籠~~~ 反正製作完的燈籠不理好醜,英賢都好開心地帶回學校~ 不過每年製作的燈籠都不錯哦~
昨晚,英賢問daddy,mami; 英賢: mami你沒幫我做燈籠, mami: 對哦! 忘了... mami:DADDY你找出上年的紙出來照做一個成可以了 Daddy:又和上年的一樣 mami:哎,學校那麼多個燈籠,一定忘了你做過哪個燈籠? daddy: 想了很久,最後跟英賢說daddy下星期二和星期四再幫你做個燈籠 hahahaa很好,mami又不用想如何做燈籠了... 學校還規定要用環保用品物料製成燈籠. 英賢無耐地接受daddy的意見!!!
一早英賢就哭著叫耳痛,有時好似好痛有時又沒事的樣子,英賢媽開始都很擔心,打算叫daddy帶英賢去看醫生,但daddy起床後幫英賢看看,問英賢痛不痛,英賢搖頭又點頭,然後英賢媽就陪英賢睡著,英賢又睡不著,想要媽咪陪,而daddy當然沒媽咪那麼順從,自己去睡覺了,最後英賢媽和英賢起床玩,過了一會兒靜賢也起床了,媽咪收拾一下屋子就帶英賢/靜賢去街市買魚,煲魚湯再用魚湯來煮面線和西蘭花當早餐,很好味道的,英賢也吃了一大碗,而且講好吃,嗯~英賢媽心理沾沾自喜~_^很有成功感~吃完了早餐daddy也起床了,daddy又吃了一大碗,不過daddy不太喜歡食>..
經過商場,很多shop都在大特價,很多男朋友,老公都站一邊等女朋友,太太. 英賢媽就借意跟英賢爸說: 英賢媽: 哇))daddy你看看,人家的老公都站在一邊等付錢. 英賢爸: 斬釘截鐵地講,錯!是不想買又不想付錢,所以站到一邊. hahahaa看來英賢媽真是往廁所裡照鏡, 哈哈...
今早daddy自己照顧英賢/靜賢,媽咪又約了朋友飲茶, 所以daddy就帶英賢,靜賢去九龍灣和媽咪會合, 媽咪見英賢肚子餓了,所以叫了碟伊麵,因為英賢喜歡吃, 吃了半碗多,英賢就說很飽吃不下了, 而daddy,mami就叫英賢吃多點,起碼吃一碗, 英賢也在daddy,媽咪的半推半就吃了一碗伊麵, 吃完了英賢就叫肚子痛,想哭的樣子,daddy,mami不為意, 以前英賢想睡覺在耍把戲, 最後媽咪見英賢好像不太舒服就讓他坐bb車裡休息, 英賢還是叫肚子痛,然後要求要喝水, 過一會兒英賢突然叫"我唔得喇")))然後就嘔吐了, 嚇死媽咪了,還好DADDY在,嘔吐完後英賢才舒服, 可能是肚子餓吃伊麵的關係吧, 英賢媽在這方面又沒常識, 哎))可憐的英賢,daddy,mami也沒心情逛街了, 就和朋友byebye後直接回家了,回到家英賢睡也不睡, 還龍精虎猛,哎!出街一副想睡又想喊的樣子, 在家又一副全副武裝想要玩的樣子, 真是...如何帶他出街呀???
英賢昨晚睡覺時 半夜己沒再咳嗽了, 今早感冒聲也明顯好轉了.
這兩日的功課很簡單, 晚上英賢拿出書包裡的功課出來, 英賢媽未看功課,英賢己大大聲叫媽咪"唔使,唔使,我識" 然後拿起鉛筆連線,連完線給媽咪過目,果然全部正確! 原來是要小朋友認字,紅色對紅色,黃色對黃色,藍色對藍色, 這對英賢來講真的是很簡單. 如果以後的功課英賢可以全部自己完成的話, 那就真的太太太好了!!!
媽咪收到雅培寄過來的sample熊熊糖, 媽咪拆開了給妹妹食半粒,英賢又想食, 但英賢咳嗽及小小感冒, 所以媽咪不給英賢食糖, 英賢話媽咪又給妹妹食又不給他食. 然後好不開心地叭在桌子上, 媽咪叫英賢想不到換來的是 媽咪: 英賢 英賢: 抬起頭很惡很不開心地跟媽咪說:你唔使理我架喇" 然後又叭在桌子上... 這個英賢很難教!!!
今日英賢買了個新書包,原來書包很便宜,難為了英賢,因為舊書包己破爛,而英賢媽遲遲未幫英賢換書包.hahaha...英賢也沒要求要換書包, 不過英賢媽覺得都要換囉,所以就重新買了個書包給英賢~ 今日功課很淺,英賢自己由書包裡拿起功課,不够2分鐘的時間己完成功課~ 完全不用媽咪在邊指導.Good!
今早起床後食早餐,食完早餐和英賢,靜賢去會所玩,玩了一會兒,可能靜賢想睡了,有幾位姐姐想抱靜賢,想和靜賢玩靜賢都講"驚驚",haha驚驚都識講,英賢又給個小朋友搶車,英賢又喊,所以mami就帶英/靜賢回家,回家休息後食午餐,食完午餐英/靜賢又午睡了,daddy就樓下幫哥哥買包新書的用品順便送個午餐給mami享用~daddy,mami享用完午餐後就幫英賢包新書,包到一半英賢也起床了daddy,mami又在頭痛要帶英/靜賢去哪裡玩呢?daddy連地圖都看了,還是想不到去哪裡?哎!!!最後我們等靜賢起床後決定去游水.游完水回家休息,六點半出去食晚餐,食完晚餐回家~這樣度過了一個好寫意的Family Day~
今日daddy,mami都放假 不過想不到要 帶個小朋友去哪裡玩? 哎!!! 只好呆在家裡吃了睡, 睡了吃...
自從奧運開始英賢對每個國家的國旗有一定的認識.好似英賢有一條polo波褲,嘜頭有美國國旗,以前英賢都有穿過,但昨天英賢穿褲時問媽咪 英賢:媽咪呀)點解呢度會有美國國旗架? 媽咪: 嗯,因為這是美國牌子.... 英賢打psp時又發現有英國國旗, 英賢又問媽咪 英賢: 媽咪,你睇有英國國旗呀! hahahaa,相信奧運前英賢一定未認識每個國家的國旗,奧運之後開始留意每個國家國旗的分別了.
今日是英賢媽第一次帶英賢入圖書館, 英賢對圖書館亦充滿好奇心, 又要拿這本書,又要拿那本書, 但坐下來睇書就... 要問媽咪這個那個... 哎!!下次要帶埋英賢爸才行 媽咪一個應付不了2個??
奧運閉幕了,中國這次舉辦奧運取得空前成功! 而英賢每次觀看奧運都顯得非常緊張,每當有中國選手時,英賢總會好留心地觀看,而當中國選手落後時,英賢總會問媽咪"mami中國輸咗,點算呀?",或中國選手贏了,英賢都會發出歡呼聲. 這次中國舉辦奧運,電視每日都不停在播放奧運盛事,這也影響到英賢對國旗的認識,英賢除了識得睇中國國旗之外,識得睇美國國旗,俄羅斯,白俄羅斯等國旗, 這是媽咪意料之外的事.而日唱夜唱的國歌,英賢也朗朗上口了!