facebook pixel code
【WUWOW線上英文】好評回文活動將延後於4/24開跑，為感謝配合，BBH將提供神秘加碼好禮唷，敬請期待！

粟米媽

粟米媽

他的寶貝

370貼文
0話題
0關注他

日期

#Tag

  1. 網誌
  2. 粟米肚裡的紀錄
網誌區塊

結婚週年

2013年12月20日
公開
49

不知不覺4年了,今年多左粟米,未生之前有左粟米會唔會唔方便出街呢?? 由於唔知佢幾時出世,所以無BOOK到我地擺酒個間酒店食自助餐,事後當然都有試過BOOK,當然答案都係好似我估咁"滿晒"!! 期間都有試過BOOK其他酒店,又要就粟米爸放學,所以結果都係無得揀,最後我都係去BOOK食丼吉!! 等粟米爸返黎,我地再打的出去!!由於呢間野我地未去過要搵路,平時去開THE ONE個間,但係我怕無咩位坐,所以BOOK呢間諗住佢十樓全層D位會好坐D!! 上到去,等經理帶位,果然好好彩呢間D位闊D,仲有就係俾左個卡位我地!! 由於粟米仲係細,所以我都係用揹帶揹佢出街,BB車總係唔太方便,有卡位俾我地實在太好了!! 食完之後都有去行一陣,周圍既人都開始買聖誕禮物,見到LOGON排長龍,本來想買野既,見到咁長龍即刻走人!! 都順便行去ISQUARE既MOTHERCARE,因為有野要買,好彩都買到!!HEHE!買完就閃人LU!!! 估唔到粟米出街咁乖,佢只係訓同訓,訓到我地返屋企!!有時諗佢訓咁多,會唔會餓過龍架??? 不過如果佢真係餓應該會醒既!! 返到屋企,餵完粟米,就拎粟米爸買既蛋糕一齊影相同切黎食!! 由今年起就有個燈泡一齊慶祝啦,而呢個燈泡將會越來越大粒呀!!! PS: 昨日粟米爸落去食飯個陣,佢屋企人知我地出街食,好勇躍咁話可以放低BB俾佢地睇住先!!好彩粟米爸無話放低粟米!!而粟米今次出街都好乖,下次出街都可以帶埋佢!!HEHE!!

滿月飯改期

2013年12月08日
公開
50

晚上食完飯，大伯打黎，話伯娘想上黎睇粟米，因為伯娘聽日就要返大陸。（有冇咁掛住人地個b啊又） 麻麻都有上黎，仲問起滿月訂左位未？ 粟米爸答：今個月book 唔切啦，近聖誕又貴又你位！要過左十二月先！ 二姑媽：1月又近新年喎 大伯：咁不如100日先食，到時bb大d，你地都易湊d！阿珍都要新年後先返！ 我真想講唔關事囉，帶住個b，一個月同3個月都唔會方便架啦！同埋依家只係自家人屋企食飯，又唔係好似人地咁擺酒，關乜野大d易湊d事！一.一根本就係想等埋佢老婆先食！ 麻麻就唯有講：咁100日囉！ 結果滿月酒，唔係我地做父母既話事，變左就人食飯！打亂我個plan！不過算啦，咁等我多d時間諗邊到食都好！ 麻麻又講大姑丈話如果我地book酒店自助餐，可以搵佢幫手！ 我地聽完就算，心當然唔高興啦，唔明點解d人扮到好似乜都識咁，都唔明d人點解要叉隻腳落黎粟米既飯宴，我真係好憎d人咁自大同虛偽！真係想鬧佢唔好叉隻腳埋黎，我地寧願俾貴都唔洗佢幫！免得人地以為自己有好大功德！亦唔想欠呢種人既人情！衰d講我地唔當佢係一份子！最好食飯個日佢唔得閒成家都唔好黎！ 真係聽到呢句之後，真想乜都唔搞，唔好食，免煩！買個蛋糕切就算！

入院

2013年11月16日
公開
49

因為見紅穿水，第一時間係拿拿聲洗頭，因為生完坐月為身子好，就唔可以沖涼洗頭！ 拎起走佬袋，著鞋走人，一出門發現無帶相機，又再返屋企拎，粟米爸話”原來到見紅紅穿水都仲咁hea,真係講都無人信”哈哈哈哈！ 之後，幸運地樓下有好多的士經過，一舉手就有的士！的士司機話佢個陣老婆要去養和生，佢地由元朗出發，個陣真係好麻煩，講緊28年前既事了！ 到達醫院，估唔到夜間門診都咁多人，我地問了職員，職員指示我地直上三樓登記便可！ 上到去，一開lift門，三個門口，我地正在考慮邊一個門口時，有位叔叔即幫忙指示我地要去左邊門登記！真係感謝佢既幫忙！ 入到去登記，當然拎齊文件交俾姑娘，之後就係一連串填資料！粟米爸話原來現實，生仔入院並非如電視劇咁趕，亦不如佢朋友口中咁緊張同咁無時間考慮問題！ 三個姑娘一齊搞資料，又登記，又出世紙登記，又打針登記，真係填表都填到暈！姑娘唔知係咪悶得濟，問粟米爸會唔會陪產，粟米爸話會，之後姑娘問我地之前有冇聽講座，我答無喎，姑娘問點解唔聽講座，唔聽既話無得陪產架，我話下？無聽過醫生講過喎，姑娘話無得陪產咁點算啊？！我話：咁可以點算啊？！結果是被耍了，姑娘話以前就要依家就唔洗！（••••••玩野） 姑娘叫我入廁所換衫，量體溫，磅重（65kg)，驗小便，之後訓床check，姑娘幫我剃走晒d陰毛，咁大個第一次，之後真係他媽的痛，竟然俾人用手插下體，天啊••••••痛到爆啊！一路俾佢撩可路佢就話唔好意思，又話我子宮太入，所以又要入d，真係痛到我想打人！結果佢撩完話我子宮口未開！-#-%#-%#-#-% 然後落返床，坐出面等，姑娘問我有冇m痛既感覺，我從來唔會m痛，所以唔知咩程度先叫m痛，唯有答好似有少少唔肯定！ 坐返出面同粟米爸一齊等，突然姑娘叫粟米爸返屋企，唔好留係到，呢刻粟米爸呆左，因為佢完全唔明點解要走！我叫粟米爸走去問姑娘，如果陪產既話，係咪會call佢返醫院，姑娘叫佢返去先，我仲有大把野要check,無咁快生，有咩到時會call返佢返黎！聽日探病時間係7：30am，聽早再黎啦！ 粟米爸唯有帶住擔心心情回家！ 而我就被叫到去一張床，貼儀器，同拎住個制，儀器check bb 心跳同陣痛指數，個制就俾我用黎check粟米仔既活動，一郁就禁一下！ 之後由2：45am望住時間，數住陣痛，我諗呢d就係m痛既陣痛，每五分鐘一次！有時7分鐘一次，尚算唔太痛，我仲好輕鬆！但係就會feel到個肚係收縮緊，應該就係平時d人講既宮縮！ check到成4：00am，姑娘話我仲未生得，送我去候產室休息，一入去就黑麻麻，又唔想嘈到人唯有搵下燈制，順便whatsapp俾粟米爸報平安，等佢唔洗擔心！ 不過都真係唔太訓得，訓訓下就痛一痛，好難訓到！唯有寫低痛既時間，直到6：00am,有姑娘入黎check血壓，仲俾姑娘話我唔休息走去mark，叫我唔好再mark，真係有d無奈•••，訓唔到搵野做下都唔得•••••••唉！

粟米出世

2013年11月16日
公開
50

痛左成晚，個人好累，7：30am，粟米爸就準時黎到！ 8點幾又俾姑娘撩陰道，感覺真係唔係太好受•••• 之後，陪到我9：50am,姑娘叫佢回避下，因為要過床，我地都以為所有人都要轉床，點知•••原來只係有位媽媽要生了，所以要轉床，我見咁耐都未有動靜，又call返歎緊星巴克既粟米爸返黎！ 大約11點，醫生黎睇我，睇返紀錄，又check陰道•••，結果係話我陣痛時間夠，但係力度唔夠，子宮頸仲係未開，俾兩個建議我，同粟米爸考慮！ 1. 自然生，照進度應該要夜晚甚至半夜先會生 2. 落藥加速子宮收縮令子宮頸開快d，就早d生 咁我問粟米爸點，粟米爸話叫我自己決定，我當時揀前者，之後去完洗手間，姑娘問我點，我話等，姑娘就叫我落藥會好d，因為已經穿左水，即係同外界空氣有接觸，驚隔太耐會有感染，叫我落藥會安全d！我擔心落藥會令我痛楚增加，姑娘又話唔會好痛，結果，我就試下揀落藥！當然我被騙了！ 姑娘先幫我放大便，痀清再幫我吊藥！吊藥插針有d痛！之後就慢慢開始陣痛加大，姑娘由10，30，45，最後去到75度，當佢set到75時都插定笑氣，而我既痛苦就由佢轉75開始頂唔順，一痛就聞笑氣，鼻吸口呼，聞聞到唔痛就停，會有d暈暈地，可以眠下！ 其實笑氣真係幫到咩？我諗只係有好過無，因為一痛就會醒，吸多幾口崑就暈甚至昏迷，但係都會有識意，聽到人講野，不過我已經控制唔到自己想講既野，知道自己只係發出單音，仲有dd幻覺，覺得粟米爸睇住我咁辛苦，唔開心，我想講野又無力，結果望住粟米爸流眼淚，而粟米爸當時就以為我痛到流眼淚！斷斷續續咁重覆，心諗究竟幾時會完，如果呢包吊完要幾耐呢？又如果吊三包都唔得，咁到時要轉做手術點算，定係吊完一包就算，轉開刀好d!不停就諗好多野！又同自己講做咩要揀順產咁自虐••• 期間姑娘有問有冇痛到呼吸困難，又或者有大便既感覺，如果有就叫老公幫手call姑娘！ 結果，捱到所謂痛到頂唔順同想痀既感覺，用盡氣力同粟米爸講”叫•••姑•••娘•••” 之後，粟米爸就禁制call姑娘，姑娘幫我check下體，話開左3-4度，就call阿嬸準備推我入產房！ 無咩氣力既我真係只有慢動作，人講咩我做咩，粟米爸就去出面等，等人通知佢入產房陪產！ 我就先坐上輪椅，被除下底褲，阿嬸同姑娘講話一陣問粟米爸，仲要唔要條底褲！我用無咩氣力既聲黎講”唔要架啦，掉架啦” 之後，約4點送我入產房，再上產床！ 姑娘先黎同我講幫我打止痛藥，就叫我打側俾個pat佢打！之後，就放個笑氣係我側邊，叫我痛就吸，當時有痛但已經唔係個種痛，而係想痀屎想痀個b個隻！期間我有發出聲，姑娘聽到，仲問我做咩嗯嗯聲，其實我想痾•••但係姑娘叫我痛就吸笑氣！ 聽到阿嬸話幫我叫粟米爸入黎，我只係點頭回應！朦朧地見粟米爸入左黎，佢聽見我有”嗯嗯聲”，又問我係咪好痛，但係我已經無氣回應佢，姑娘同粟米爸一直哪我痛就吸笑氣，有一次仲要係姑娘迫我用，我其實只係知我要痀個b，但係又知要留力，個一下要忍住而發出既聲，就俾其他人認為係痛，我真係好難控制，每次又忍又痾都feel到必水，當時只係諗，快d幫我check，我幾時生得啦唔該，要生又唔生得咁，好慘丫！ 之後終於有姑娘幫我啦，終於有7-8度，好快生得，仲幫我call醫生，姑娘仲俾我試睇下我識唔識用力！到醫生黎，以為我谷緊，我其實好努力忍緊，醫生話比預期快，原本諗住我7點先生得，睇黎6點都得了！醫生問姑娘我識唔識用力，姑娘話識，就開始生既過程了！醫生叫我一痛就出力痀，來回幾次之後，醫生話見到頭髮了，之後再努力重複，加上醫生既技術，結果就出左頭仔，再努力就出埋個身了！ 當成個b出晒黎，個人鬆了，醫生將bb放我胸前確認一下男嬰，眼前就係一個有血絲既男嬰，聽到粟米既喊聲，醫生要粟米爸報時，痛楚過去了，姑娘抱走抹乾淨，剩低既就係等胎盤了，我已經唔記得胎盤係咪都係要我痀出黎，淨係記得同胎盤一出好似有堆野咁！ 姑娘抹好粟米身上既血，用毛巾包好，就問我地有冇相機，幫我地三人影相，此刻粟米爸話自己笨左，無帶相機，好彩有手機！ 再黎就係醫生幫我縫傷口，期間有問我痛唔痛，可能怕止痛藥過，縫完再check有冇咩遺漏，跟手就到另一位姑娘幫我打針，打落手大脾，話係幫助收子宮！粟米爸都要返出去，去返病房等我，而我係產房等阿姐推床黎，有位姑娘又黎初我肚，幫我check子宮情況，佢好大力地初，好痛，但係佢話係幫助收子宮，等d血唔洗流咁多！仲叫我得閒自己都要大力初下，快d收肚，教我摸子宮係邊個位！之後就過床，再送返入病房休息！ 亦提我千其唔好食雞酒之類既補品，返去兩個鐘後先飲啖水，睇下有冇嘔，無就可以試下食野！ 當送入病房，個人又舒服晒，抖一陣就試下飲啖水，因為口乾了！姑娘放低d藥，之後叮囑粟米爸，第一次落床就要記住扶我！

產檢(健)

2013年11月14日
公開
62

今日又去產檢了,今早仲發左個夢,夢見自己唔知做咩攬住個枕頭同張被出門口去產檢,老公渣車車我去醫院,落車又拎住張被同枕頭行,行到就黎到醫院發現自己無帶文件,結果又要返屋企拎,今次放低左枕頭同張被,再出發,無幾耐鬧鐘響就起左身了!!!可能天氣涼左凍左少少,所以發夢都要捲埋張被出門口哈哈!! 話咁快又話星期四,好似呢個星期過左一陣咁,如期去健康院,今日好似唔太多人,我拎既係7號籌諗住應該好似上星期咁快掛!! 拎完籌去磅重,量血壓,驗小便!!磅重因為要除鞋,磅完我著返鞋俾姑娘話我,佢話我做咩唔坐低著boot,一陣整親條腰骨!!哈!!我就係咁貪方便,坐係到著鞋其實都係一樣咁辛苦,有個大大既肚頂住都係一樣咁難屈!!! 體重 : 65.6 血壓 : 73/122 小便 : 正常 之後等叫名入1號房,阿嬸好快咁幫我摸下個b係邊同聽bb心跳咁就出返去!! 跟住入15號房見姑娘,姑娘好nice,佢問我野時,我都有問佢野!! 佢問我之前申請驗血報告,問我拎左未!!我話搞扣掂左啦,醫院個到直接寄去俾醫生!! 佢問我洗唔洗錢,我話唔洗,問我係咪有醫生信,我話係丫,佢就話咁即係佢無記錯,如果有醫生信就唔洗錢直接俾醫生,如果無醫生信就要俾錢!! 之後佢問我決定左係政府定私家生未?我話私家生!! 跟住佢話叫我唔洗驚,佢唔會話我係私家生!!咁我就問佢,咁份野如果我係私家生,係咪唔洗拎返俾瑪嘉烈,佢答份野到時你拎返去健康院囉,你第時bb出世第一時間盡快打黎健康院登記!! 我又問 如果呢我私家生完,係健康院check到bb黃既話,咁係要我返去私家照燈丫定係政府醫院呀??佢答梗係唔洗返私家啦,我地到時邊到有位就安排你個bb去邊間照架啦放心,除非你堅持話要係私家照架咋!!! 姑娘話佢之前都係瑪嘉烈到做既!!姑娘叫我放心 40-42週內出世既bb都係正常!!(希望唔好真係去到咁盡啦粟米仔) 問完問題,就返出去等拎文件,又再等下叫名入9號室拎文件!!又預約下一個期11/21 8:45am! 下次仲未生既話就可能要轉返去瑪嘉烈安排催生!! 健康院計我 11/17預產期,如果係應該得返3日!!究竟邊個期先係岩既呢??? 11/17 (由m到計起) 11/20 (照結構計算日子及之後私家都係照到呢個日期) 11/22 (開頭有左個陣私家照超聲波個陣講過) 究竟粟米係呢到其中一日丫,定係.....另外仲有日子呢???哈哈!對粟米出世既日期真係完全無法估計!!暫時我都以20號係粟米出世日子!!

無聊星座分析

2013年11月14日
公開
65

無聊地望下星座性格!!睇下粟米仔如果係20號出世既話會係咩星座!! http://ch000000.150m.com/48starzone/11-04.htm 11/19-24出世都係天蠍人馬座!! 優點：大膽, 有志氣 缺點：自私, 說話易得罪人 性格：誓要做大事 這個星區是天蠍座和人馬座的混合體, 天蠍座比較深沈嚴肅, 人馬座則外向樂觀, 所以這星區的人沒一般的天蠍座那麼深不可測, 亦沒有典型人馬座的魯莽, 多了一份深思熟慮 這一週叫變革的交界, 因為天蠍座是做大事的人, 總渴望幹一番轟轟烈烈的事業, 而人馬座則有遠大的理想, 十分有志氣, 這兩者加起來怎會不搞到風起雲湧? 通常, 這種人只有兩個結果, 一是做出革命性的事, 跳出一般傳統的框框：二是因為太執著於自己的理想, 如果時不與我, 就會變成懷才不遇, 鬱鬱不歡 天蠍座說話很多是都會「有骨」, 詞鋒銳利：而人馬座則成日衰太直率, 開口容易得罪人. 所以這個星區的人把口都真係幾厲害, 簡直可以置人於死地, 所以最好不要跟他們鬥咀, 輸硬 事業：神秘學家 天蠍座喜歡神秘事物, 人馬座則對哲學宗教特別有興趣, 可以想像, 兩者加起來絕對可以成為神秘事物學者, 占卜師, 神學家之類 而憑他們遠大的志向, 堅毅的精神, 及革命性的特質, 無論在商業或學術的領域上, 都可創出一些革新的東西, 叫人驚喜 愛情：冒險家 這是一個愛冒險的星區, 所以在愛情上也難免喜歡亂闖亂撞, 在不同的情人身上找尋新鮮感. 他們或許會成日換畫, 但每次感情, 他們都會十分投入, 努力經營, 只是好奇心會驅使他們去找另一個 天蠍座著重私人空間, 人馬座愛自由, 所以這個星區的人在一段關係上需要極大的空間, 否則他寧願不談戀愛 *************************************************** 嗯....如果真係好似我同粟米爸咁坦白既話,而又好似粟米爸咁直,的確係易得罪人!!! 不過,最緊要有志氣,好緊要!!

粟米39W

2013年11月13日
公開
47

又一個week,粟米依然係我肚入面，無咩動靜。 到左呢個week,真係覺得好好彩，由未懷孕到依家，都平平安安的，無咩唔舒服。 以前總覺得，大肚必定會肥好多，行動不便，肚紋一堆，腳腫及抽筋都唔出奇，以為自己會脹好多！即係參照自己既阿媽估計！ 到依家都叫做離生既日子近了，體重係有重，不過唔係自己諗個隻，重都係重係肚到！ 水腫真係一點都無，抽筋應該夾硬算係一次，幸運地肚紋去到呢個階段都無一條！ 又聽聞第一胎會早，做定心理準備，結果都仲係安全渡過39週！ 係呢段期間成日聽到d唔科學既野， 例如： 睇肚形知男定女，證實：我都有人估我生女，所以唔準！ 生女早生仔遲，證實：根本就唔岩，女或仔根本就係有早有遲，我覺得係睇體質！ 生仔痛過生女，證實：我阿媽生得最辛苦係大妹，因為體積問題，所以唔關仔定女事，係關bb既大細問題！ 仲有其他無聊事，自己經歷過，就知好多野都只係傳說，唔係真！ 仲有7日就到預產期，唔知粟米揀邊日呢？ 麻麻好似有d緊張，擒日問我有冇覺得粟米仔低左，我話佢知上星期醫生照過話入左盤，爺爺竟然問，仲有睇醫生架？我答依家每星期都要睇一次！麻麻話爺爺不嬲都唔理野，所以乜都唔知，爺爺又死撐話因為自己以前忙搵錢！ 事實係年代唔同，以前電話邊有咁方便！以前既男人都係大男人較多，家事都少理！ 不過爺爺無口德，擒日睇星期二檔案講音樂，爺爺竟然無啦啦人生攻擊人，話人地阿媽醜樣，個女都醜樣，爺爺佢自己本身都唔係靚仔啦！ 粟米仔一定唔可以學！我亦都即場話爺爺教壞子孫！ 39W 39W的肚子

誤會

2013年11月13日
公開
46

我呢個大肚婆真係坐唔定,有fd約就會出街,話就話叫我乖乖留係屋企,但係屋企無咩好做麻...!! 當然朋友約我出去,我都會叫佢地做好心理準備,隨時有機會要打的送我入院,不過朋友依家照約,究竟係我大膽定係朋友大膽呢??哈哈!! 因為出街,所以粟米爸自己同屋企人食,但係佢放工返到屋企訓著左,聽唔到屋企電話響,之後麻麻打佢手機,好耐先起身聽,令麻麻一度好開心咁以為無人聽電話,可能入左院生仔哈哈!!聽到都真係覺得好好笑!!! 之後見得粟米爸一條友落去食,佢屋企人都好驚訝,點解我唔見左,仲話仲出街??唔怕架???大肚咋喎,真係有咁可怕咩?就算見紅都唔係即咇個B出黎啦,同埋香港咁細,打的話咁快就到醫院啦,野又執好晒,有咩咁驚呀又???又會覺得粟米爸唔睇實我!!睇實又點呢???又唔會快D出黎!!究竟係我地兩個真係咁唔緊張丫,定係人地太緊張呀??? 我同個FD講,個FD話"洗乜咁緊張呀???我阿媽生我細佬個日之前仲走去入貨,我阿麻仲勁,生之前仲要做晒屋企D家務先入醫院架"!!講到尾就係依家D人矜貴左好多囉!!! 粟米爸仲拎左三份佢地送俾粟米既禮物!!!粟米爸仲叫我估邊份係麻麻送,我估中左!! 另外,麻麻好開心咁拎左張紙俾粟米爸,佢俾左三個名粟米爸,仲問粟米爸覺得邊個名好,粟米爸無即場回應,佢想等我返黎一齊揀!!三個名會揀邊個名呢...嗯...到我地揀定左再講啦!! 粟米爸話細姑媽送衫仔俾粟米爸個陣,同粟米爸講"D衫仔唔係名牌,如果唔岩都唔好掉,留返俾阿珍,佢地幾年後都生BB,留返俾佢地個BB!" 其實名唔名牌對我黎講都係一樣,究竟此話何解呢??佢覺得我係名牌人???定係佢自己會咁諗所以先咁諗人呢?? 再者BB衫真係KEEP到幾年??? KEEP BB衫唔洗位置?? 家陣我屋企有千萬呎大嗎???真係想話如果你真係介意人地唔鍾意你份禮物既話,你其實可以唔好送囉,我唔唔會介意你唔送架喎!!! 有時覺得粟米爸屋企人唔了解我,我都仲可接受,因為唔係住埋一齊,唔了解都係正常!!!但係有時佢地連粟米爸都唔了解,睇黎佢D兄弟姊妹情都好薄弱下!!! 又講下爺爺,佢地屋企人傾計,唔知講開邊個,突然爺爺又自己講自己既野,無啦啦話人地阿邊個個仔早過我地結婚既都生左BB,WELL.....咁即係咩意思呢???我記得之前食飯知道我有左個陣,爺爺都有講過一句"結左婚三年啦都",我聽到即話佢"你做咩數住我地結左幾耐",佢笑而不答!!!一.一有時諗佢呢D老人家都幾麻煩,唔聲唔聲咁就彈一句你聽!!當然粟米爸一直都漠視佢呢種行為,不過有時如果遇岩我心情唔好,真係想鬧人!! 粟米的禮物 粟米的名字

產檢（私）

2013年11月08日
公開
68

又產檢，例行公事，原本諗住唔咁早去到，因為上星期等超耐，諗住今日遲少少去，但係唔知做咩又好早上左車！ 我地返左深水步食米線，之後打算行去黃金睇下game，中途聽到有人叫"emily"，原來係中學同學karen，佢最近生水痘所以唔洗返工，當然佢其實未知我有左啦，所以個一刻見到佢同佢老公，我真係有d反應唔黎，say hello加揮手，一諗到佢生水痘，我即躲去粟米爸身後，之後講多句咁岩既同拜拜，就速逃！ 之後我地去左黃金睇game,終於買到wii u 計步器，買完就搭小巴了，結果2：20pm去到醫院，2：30pm，先可以登記，唯有坐係到等啦！ 到夠鐘，走去登記，之後磅重，量血壓，度體溫同驗小便！ 體重：65.5KG 體溫：正常 血壓：70/113 心跳：93 之後，走去坐定定等，諗住有排等添！ 點知突然見到醫生出現，好快見完前面兩位就到我！ 入到去，醫生都係問有冇肚痛有冇流血，bb有冇郁！ 今次醫生問我有冇咩問題，我有啦： 我：我想問順產費用幾錢大約 醫：如果順利順產，夾埋醫生費用同三日兩夜，3萬5！ 我： 咁係咪醫生你幫我接生架？定係我有咩事你先出現架？ 醫： 當然係我負責接生啦，一般都係跟個位醫生負責接生！ 我： 咁如果我半夜入院，你都會返黎？ 姑娘笑住講： 咁咪call返醫生返醫院囉 醫：到時我咪返黎接生囉 我：咁醫生你咪24小時on call 囉 醫：係啊 我：咁係咪都有無痛分娩架？ 醫：有，當然有，你想無痛咪幫你打枝針，到時另外收費囉 醫生再問我有冇野問，我無野問了暫時！ 之後都係上床照下粟米情況，醫生照到粟米已經入左盤，要照到好低先照到粟米個頭仔，頭圍正常，醫生依舊話粟米唔太大隻，順產應該無問題！之後見到心跳，肚仔同大脾骨！ 醫生話粟米落低左，都離出世日子近了，我問係咪有機會下星期，醫生話唔差得遠，不過都有好多因素既，所以都唔能夠肯定！ 粟米約重：3233g 約7lb2oz 我：醫生，照出黎既磅數會唔會同生出黎個磅數唔一樣架？ 醫：儀器既野大概上落有1乘既誤差！ 睇完落床，再約下次產檢時間，點知下星期四同五都full晒，醫生研究左好耐，最後預到11/19！醫生話如果下星期你生左，咁就唔洗理個預約期，如果未生就照黎同埋都會同你跟返預約催生既事！ 究竟，粟米你想幾時出黎玩呢？會早定係好遲呢？等天安排吧啦！

產檢（私）

2013年11月01日
公開
70

又到左私家產檢日，我地2：30去到，早一個鐘到，預左有排等，三點醫生由醫生房走出去，著住件醫生袍，到佢返黎已經4：06，估計應該係去食飯啦，返黎個陣換左西裝。 之後就開始睇，入左第一個之後，阿嬸推左兩個病人係房門等， 一個後生女，一個大少少但是好似暈暈地咁係輪椅，第一個出返黎之後，姑娘推個暈暈地既入房，無幾耐突然跑左兩個著晒保護衫既姑娘入醫生房問咩情況，跟手有個姑娘仲叫出面另一位姑娘幫手，唔洗一陣就成架床推入去醫生房，好似好危急咁，到推病床出黎，我見個女化心之前更面青，成堆人連醫生都一齊唔知去邊，唔知係咪小產呢？因為之前登記都見個女人個肚係有左bb，只係唔太大啫，希望佢平安無事啦！ 以為咁突發既事有排等啦，15分鐘後，醫生又返黎，繼續睇症。 睇左三個先到我，都差不多5點，入去都係問同樣問題，有冇流血有有肚痛，跟手醫生拎左一疊文件，話瑪嘉烈寄左報告俾佢了，醫生就續張睇，我以為淨係驗血報告，點知有埋最近check既B鏈球報告，唐氏，德國，血型，結構，血糖，血色素，地貧，加上B鏈，所有報告都正常！ 醫生俾返份報告我keep，叫我到時要生就帶埋呢份野！ 之後上床照粟米，醫生先照頭，頭圍正常，肚都係細，醫生話個b應該唔係肥b，睇到心跳，大脾骨正常，我問醫生照唔照到樣，醫生話依家粟米已經捲埋一舊，睇唔到樣lu，今次醫生照臍帶，我仲以為醫生係聽緊心跳添，原來醫生係聽緊臍帶輸送頻率，佢唔講真係完全唔知醫生搞緊乜！當時粟米咁岩又打緊egg，連醫生都感覺到粟米郁左一下，我答”係啊，佢打緊egg”，聽完正常就落返床！ 醫生話粟米個頭比之前低左，落左少少，有機會39週到出世，粟米size唔太大，應該順產無問題，醫生又問我隻戒指除唔除得甩，佢話有孕婦順產唔到，到時要開刀，用儀器，儀器既電如果去到金屬有機會燒傷，為安全到時就會要除戒指，如果除唔到就要幫你剪爛隻戒指，((((；ﾟДﾟ)))))))，好彩我仲除到！ 醫生今次俾埋封入院信我，佢話有見紅穿水陣痛苦，是但一樣就帶埋入院信同資料去新院3樓產房！ 我問醫生如果過左預產期，要幾耐返黎催生？ 醫生話一星期，到時會打電話call你返醫院催生！ 體重：66.9kg 心跳：97 血壓：79/119 體溫：36.9 小便：有少少蛋白尿（應該係食完飯所以有） 醫生叫我唔好食太甜既野。 粟米依家有 2853g 即使6lb5oz! 跟住就下週38週再見醫生了。 下次約期為：2013.11.8 下午3：30 37W2D 臍帶流動 37W2D 大脾骨 37W2D 頭圍

產檢(健)

2013年10月31日
公開
46

今日好早去到,因為book左8:45am,我地8:34am到,但係其實健康院都未開門既!!一.一車!! 之後 8:50am先開門,開門前阿嬸問我地有冇接觸過生水痘既病人,無就入得啦!! 又係例行公事,拎籌,磅重,量血壓,驗小便!!! 體重: 64kg 血壓: 70/104 小便: 正常 之後倒左小便,好快就入1號房了,又係阿嬸摸肚,問我幾時預產期,摸肚同聽心跳,咁就落返床出返去等啦!! 唔知係咪早,所以又好快叫左我去8號房,姑娘我認得係上次個位,佢話我體重輕左,問我係咪病過黎,我答係,早幾日係病過下!!姑娘就叫我試下慢慢行返出去,之後再去磅過,磅完又再行返黎話佢知幾重!!(磅多次會重d咩?) 咁我唯有去磅下啦,磅完正走返出去個陣,2號房個兩個姑娘好奇怪咁問"咦你唔黎登記既?",我微笑回答,"因為姑娘叫我磅多次,所以我走黎磅下"(其實都預左會俾人問,俾我都會啦,邊有人咁奇怪,無啦啦走黎磅完又走架) 好啦,又返去同姑娘講,都係64kg,姑娘問我,有冇穿水,有冇咩唔舒服?我答無呀,姑娘就話,咁不如都係見下醫生check下啦!!我答"好"!又出返去等!! 我依家先知原來呢間健康院係有醫生哈哈,第一次有機會見到健康院既醫生,聽到叫名去18號房,見到門口真係有寫名架bor哈哈,女醫生黎既,入到去醫生叫我訓上床!! 張床....有d奇怪,首先佢係一張以前寫字樓舊式既鐵檯咁,細張但係上面係床,話雖右邊有個腳踏位,但係睇黎似一踏上去會反咁,好唔穩陣feel,再加上近尾係有兩枝鐵架掠腳架,再加一盞燈,咁窄既位,我如何上床呢??結果都係試一試啦,慢慢踩上去再訓,張野果然係細小!! 好啦,醫生幫我檢查,我仲以為醫生會照下d野咁,結果係重覆阿嬸做既野,摸肚,係肚上面用軟尺度size,再聽bb心跳 (完)!! 醫生就話bb都係正常,無問題,落返床,仲話輕左少少唔怕既!!一.一 下?見醫生原來就係這麼一回事...... 之後又返出去等叫名,又去返8號房搵姑娘,姑娘就同我講,唔可以輕架,記住食多d野,其實我都唔知自己輕左幾多哈哈,之後姑娘又記得上次我問驗血報告既事bor,佢仲話原來近幾次既產檢都係佢,話我同佢有緣,仲問我申請驗血報告個到點,我答返佢細節,佢就話"嗯,咁我下次識同d病人講啦"又問我咩係G3,我LOAD左陣,因為我真係唔太明,諗左陣先醒起,係G座3樓,係瑪嘉烈既醫療紀錄部,姑娘問"洗唔洗錢架?"我答"唔洗,仲話會幫我寄俾醫生添"閒聊完大堆野!!! 跟手就拎返份野走,同約下次既期!!姑娘仲加多句"下次見紅,穿水,陣痛唔洗返黎啦,直接拎埋份野去醫院啦" 預約期 2013-11-07 8:45AM

產檢（私）

2013年10月25日
公開
66

又到私家產檢啦！ 不過未去之前，要去瑪嘉烈一趟，因為私家要拎驗血報告，1：45去到瑪嘉烈既g座3樓，即係醫療記錄部，等到2：00 人地開工先入去，之後填form，仲俾埋封醫生信，到時瑪嘉烈會寄份報告俾法國醫院個醫生。 之後打的，2：33 去到，都係個幾個步驟，磅重，量血壓，驗小便同溫體溫（呢個一時時）！ 體重： 65.9kg 血壓 ：58/113 心跳 ：89 體溫：36.7 驗尿：2+ （因為食完飯，所以有糖份） 唔知係咪撞正醫生食飯，見醫生行返出黎，走左去！之後等到4點先返黎！第一個就係叫我！ 醫生都係問有冇肚痛有冇見紅，當然無啦，醫生問有冇咩新問題出現，暫時都無！ 跟手上床照超聲波，粟米頭圍正常，大脾骨正常，但係肚仔依然係細左d，今次醫生無話我個肚細，話我個肚合返週數大細，醫生問我放產假未，我只好答”放架啦都” 醫生話如果放產假就多休息，食多d蛋白質既食物，蛋，魚奶•••，放產假時慢慢都補返黎，叫我唔洗擔心！ 醫生話粟米依家有點2657g，即5磅14安士，醫生話應該到出世時會有六磅幾，問返我地知唔知自己出世個陣有幾重，我答5磅3，醫生問粟米爸知唔知，我記得奶奶講話6磅幾，醫生話咁我地都唔太重，應該個b都唔太太隻！ 醫生話我仲未咁快生得，因為仲要有個程序叫”入盤”，暫時我都未入盤！我問醫生，咁入院係咪見紅或者穿水就入醫院？！醫生話下星期37週會俾封入院信我，到時有見紅，穿水，震痛就帶信入院，跟住醫生話黎緊之後產檢就一星期一次，就預約左下星期五了！ 粟米爸見我病病地，所以叫我問埋醫生拎藥食，同左醫生講有點喉嚨痛，醫生就開左藥俾我！ 消炎藥多謝$30 ，哈哈 下次產檢查11月1 15：30 ！ 36W2D大脾骨 36w2D 頭圍

產檢(健)

2013年10月24日
公開
54

又係產檢既時候啦!!又要去返健康院!! 去到一樣都係要登記,磅重,量血壓!! 體重 : 64.6KG 血壓 : 76 / 109 心跳 : 89 小便 : 正常 跟住等一陣又叫入2號房,第一次入2號房檢查,上左床,姑娘幫我摸肚,平時阿嬸摸個陣隻手凍冰冰,今次呢個姑娘換佢隻手係暖架,真係好少有!! 姑娘話我個肚好實,叫我放鬆,深呼吸,放鬆之後就開始CHECK!! 姑娘幫我換恥骨,摸下對腳有冇腫,摸肚,摸下BB頭仔,度下SIZE,之後就拎部機聽BB心跳,仲俾我睇BB心跳係幾多,跟手同我講話"俾你聽耐D啦,你聽夠話我知啦"!!我好快咁同姑娘講"我聽夠啦",姑娘係到笑,佢話我地產檢先有得聽下心跳,所以俾我地聽夠佢,我話我以為你聽夠就得添,真搞笑!! BB 心跳 : 130 跟住出返去等叫名!!又去14號房見姑娘,今日帶返份野去健康院,原來之後都係日日KEEP,每次睇都要帶!(咁麻煩架!!) 因為私家醫生叫我拎信俾佢地,等佢地SEND返份血報告,點知姑娘問我點解去瑪嘉烈個陣唔講,我話我去完瑪嘉烈先見呢個醫生,咁我咪講唔到囉...!! 跟住姑娘就叫我一陣出去3號窗拎表格填,之後再去4號窗交錢!! 一.一好啦咁我出去問3號窗拎表格啦,填完,交去4號窗,個小姐問返我轉頭點解會係呢到交,呢個窗係收錢架咋喎!!....一.一 咁即係點呀???不過佢都好好咁幫我搞,但係又話因為要填返張橙卡NUMBER,所以要等返份野先可以再填!!咁唯有等啦!! 結果聽到叫名8號房,拎返一份資料就走得,跟住又叫住我,姑娘忘記抽起一份資料,又拎走左某一份資料再俾返份野我!! 到我出去好自然就交返4號窗小姐搞啦,結果又話我唔係呢到交FROM,呢到係俾錢,佢幫我照填野.我都唔知講咩好,唯有講唔好思意!! 填好晒之後,我以為要俾錢啦,點知...原來唔係俾錢先,要等報告返左,到時拎個陣先續張計,每張1.1,叫我到時帶定散紙,因為唔會找!! 一.一 點解好似簡單既野變左咁奇怪,我以為填完FORM 交錢,報告會寄俾醫生! 結果醫生信佢地就無收到,報名要到時有個陣自己拎,錢都係拎REPORT個陣先收!!多麼複雜!!!! 就係咁產檢完走人!!!之後一星期返去一次!!!真係超密呀!!! 下星期4又要黎過,約左8:45AM!!