facebook pixel code

Ivy

聖誕buffet

2009年12月24日
今日好開心呀, 我期待已久既聖誕自助餐終於有得食啦)))

今日媽咪早咗放工, 她一返黎就叫我快啲沖涼換衫準備, 因為我地今晚會去金鐘香格里拉酒店食聖誕buffet. 我亦二話不說, 好聽話咁跟姐姐去沖涼, 換過套靚衫後, 仲帶埋頂聖誕帽添! 因為buffet由8:30pm開始, 等埋爸爸返黎, 我地一行人包括公公, 婆婆同舅父, 7:30pm就出發.

去到金鐘約8:10pm, 因為商場既聖誕燈飾好靚, 我地四圍影相. 到咗差不多8:25pm, 姨姨, 姨丈同霖霖都到齊了, 我地就坐電梯去酒店.

由於之前黎過食buffet, 所以我都認得下路. 去到餐廳門口, 嘩! 好多人呀. 真熱鬧. 入口處沿途有大量氣球, 我地一手攞咗十幾個, 張佢地帶到坐位旁, 一邊食, 一邊睇, 真係開心.

去到中段, 聖誕老人出黎了, 佢一行過見到我同霖霖, 即刻送上一人一份聖誕禮物, 我就立即回返句”Thank you, Merry Christmas”. 可能餐廳太多人, 當佢再次經過我地張枱, 佢再多送一份禮物給我, 仲影埋相添, 真搞笑!

11:00pm了, buffet終於完結, 我帶住興奮心情離開, 真期望下一次既聖誕節呀!!