親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
bella
文章分類
日期
#Tag
Hi~ 小寶真是可愛
資料載入中...
話咁快又放左產假11日啦, 今日會同工人返沙田攞ID, 之後去婆婆家同LALA妹等人玩.........
仲以為過左一晚會痛返生得, 點知成晚都未痛過, 到早上七時醫生檢查, 個子宫頸仍然未開, 醫生就話我可以走得啦......... 同房的太太個個都真係作動, 而我就要返返屋企, BB真係唔得啦............
昨晚零晨2時,開始有啲拿住拿住痛, 打電話比啲家姐話係咪作動, 佢地話唔好理咁多入院先, 咁就洗頭沖涼入院啦. 嘩,成日痛無停過, 我仲以為生得添, 仲要痛到我唔係好想生咁, 點知到下午4 點醫生再幫我check的時侯, 個子宫頸都未有開過......... 之後唔知點解個肚就開始無咁痛添..........
今日終於買左個LCD TV, 17'成2000元, 不過因為間房無左個電視, 週身唔妥,所以都係買翻個新............ 今晚老公啲朋友又來飲酒...........
昨晚突然好驚, 唔知點解成晚羅羅戀, 好驚BB突然間要生世, 又驚個肚會好痛, 痛到唔知點算, 去到醫院又唔知點好, 好驚忍唔到痛.........點算好呀!!!!!!!!! 今日無出街,只係落一次樓行吓, 好唔想郁,但又唔想唔郁...........
今日BB仍然無乜蹟象出世, 所以又返左媽媽屋企, 今日lala病左,我帶左佢去睇醫生, 小朋友始終係唔肯食藥同食粥, 佢唔食咪無咁快好羅, 都唔知點氹佢好....... jason仲係好蝦人湊訓覺, 佢成日都訓唔到半個鐘, 真係唔知佢想點...........
今日返左媽媽家, 為她整好午及晚餐的餸, 仲煲左湯. 下午先去醫院產檢, 醫生話BB長大得好好, 應該唔會超大............
今日又返媽媽家幫湊jason, 今日jason好似唔同左, 因為佢成日都係訓得唔夠半個鐘, 但係就成日喊.......唔知點算.jason
-湊jason 今天返媽咪家湊jason, 仲可以出吓街行, 總好過在自己家唔肯出街行, 醫生話行多啲會快啲生, 所以我想我會多啲行街............
今日約左BB沖涼課程, 教曉好多同BB沖涼的智識. 二點鐘去二家姐診所上堂. 今晚仲要去余醫生到check 吓BB添......... 余醫生話BB大得好快, 比起二星期前重左1kg, 現在BB體重尚可,如果再重的話, 可能會生得困難啲, 所以我都唔知洗唔洗節食吓添...... BB有七磅幾啦............38w
好似好繁忙............ 但又唔知做左啲乜........ 奶奶返左來, 所以工人全日忙碌, 唔得閒整BB野啦..........
今日係放產假前最後一日返工, 今日終於將所有的工作交低比係GA, 我放低晒的工作就唔會再唸結啦, 依家只係等BB唔知幾時出世, 心情開始有啲緊張, 因為唔知會唔會好痛. 又因為唔使返工,所以多左時間唸啲無謂野................
距離放產期仲有二天, 好擔心放產期後會成日唸生BB的痛苦........ 唉.........點算啦........
今日問左醫生BB落左盆骨未, 醫生講已經落左, BB仲係用個背脊得住人, 所以成日感覺到佢個petpet旭來旭去. 醫生話如果發現生產前的三個徵狀, 就要去醫院啦.............
今日係生BB前的最後一次覆診內科, 醫生話都係要食一粒藥, 直到生完BB到三月中先再覆診..............
今日同wati一齊出左沙田, 同佢開左個銀行戶口, 又同佢換智能身份證. 原來唸住同jenny食飯都失約左, 又無去到產前講座聽湊BB, 最後又係唔夠時間無去到啦. 做完晒Wati啲野 再同媽咪做野後, 返屋企到成6點啦...............
今晚的公司聚餐, 買左成千幾二千蚊海鮮, 食到肚飽飽返屋企, 好底食.........公司聚餐公司聚餐2公司聚餐3
因為爸爸將生日, 所以所有爸爸的仔女都來西貢食晚飯同佢慶祝, 好熱鬧好開心.............爸爸生日晚飯爸爸生日晚飯2
今次係產前最後一次抽血, 因為醫生話check埋今次, 要到生完二個月先再覆診.
今日安排晒下星期的飯局, 唔使成日心掛掛, 個工人都暫時做得好..........37w
昨晚小龍女出左世啦, 我今日同老公一齊去左探佢地......... 好得意,好似小龍,^ v ^小龍女
終於都出左大圍取回鄉證, 同工人一齊出左沙田半天, 有工人真係幫到我好多............ 個ip cam原來都幾麻煩架, 可能係個Router成日轉IP, 個IP Cam又追唔到個新IP, 所以成日都開唔到server, 依家整好左,希望唔好再壞啦..........
今日工人第一日工作, 她好勤力由朝做到晚. 下午成仔又來幫我整IP CAM, 整好後,過左一段時間,(不夠半個鐘) 個server(網站)又開唔到啦, 好煩呀,嬲死啦.........
今晚上出左去取智能身份證, 之後仲接埋工人返屋企啦, 佢好叻廣東話, 又好有笑容, 希望做得好啦......
今日成仔幫我整ip cam, 點知由4點整到6點, 之後明明整好但出面(唔係屋企果部)電腦開唔到個server, 整多左成三個鐘先有個朋友話netvigator block晒啲server, 真係嬲鬼死間寬頻. 依家仲搵緊啲port,..............
收工後又去左friend家打邊爐!!!
收工去左朋友家打邊爐!!
返工 茵茵今日上左我家食飯.茵茵到我家
早上去完驗血糖, 之後計劃左一日行程, 但最後都係做左一半. 唸住整手機,取回鄉證,買Router後返娘家同家姐行街..... 最後出左旺角整左手機, 買左Router,但唸住改變行程去大家姐屋企都無去, 因為我之前係街見到佢同BB,BB好得意,摸佢臉臉佢就笑啦, 不過我行左好遠,費事返轉頭上佢屋企啦. 之後就搭左小巴返自已屋企,回鄉證又無攞............ 算啦,下星期再去攞啦.
今早又去余醫生照超聲波, 醫生話BB ok,有2.7Kg, 咁都好,唔會好似余醫生話甲抗會唔長肉. 之後同老公出左深水埗等成仔, 點知一等就係深水埗行左3個鐘, 之後買完個IP Cam 成5點鐘, 原本想去整手提電話都係唔去啦, 食完飯反到屋企成個人都散晒添.........35w-2 側面