親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
kit
你們好
文章分類
日期
#Tag
Hi~ 小寶真是可愛
資料載入中...
尋晚用了兩次牙仔膏,11點睡,一直睡到 4點才喊,飲了少許奶奶,斷續地喊到6點再睡, 不過是睡在地上的膠墊,一放落床仔就喊。 今朝成9點幾起身,一起身就對住媽媽笑,嘩, 媽媽好似執到金咁開心,我好耐無笑喇! 返MY GYM 玩不夠大半堂就扭計, 提早回家吃完粥一點都未夠又睡了,禰補 前幾日周公欠我的睡眠。
尋晚喊了無數次,今朝6點就喊醒,媽媽差點認不出姐姐個樣,呵呵,陰功! 今天整天不要奶奶,早餐吃牛奶麥皮,午餐吃魚粥,胃口又不錯,在家很悶, 我又去了波波池會所玩,空無一人,有得玩就忘記牙痛。媽媽終於買了 teething gel,今晚應該睡得好一點吧! 我整扁左個波波?今日包場呢 拍SPEED續集,姐姐你這樣小心給炒魷魚!
白天胃口跟平時一樣,連奶奶都肯飲,不過到了晚上..又扭計了, 不肯飲奶,一路跟媽媽戰到十時,發光烏龜又無電,爸爸即刻出去買電芯, 還買了麥記回來,我左右手各拿一條薯條吃得津津有味,我在學大人晚上 吃飽飯就算,跟奶奶說byebye! 睡著又經常喊醒,見到‘姐姐‘喊得仲大聲,只 要媽媽,連爸爸都要,最後是爸爸暗我入睡,噢,成12點呢。 陪我入睡的發光烏龜
既然你那麼不爽,我和爸爸唯有帶你出街,今天 在外你表現得最可愛哩! 同一時間出3隻大牙的關係,扭計到不得了, 連續兩個晚上無飲奶就睡,今天連下午茶餐奶 都不要,正餐又喜歡粥,不過亦食不多, 己沒有發牙仔燒了,但還是不爽,我試比 ice-cream你吃得很滋味,可是鮮奶你又不要, 水又不要,果汁又不要,用奶樽又不要, 用飲管又不要,天呀, 原...來...你..什麼都不想要..... 最後發現你喜歡用匙羹飲,吹脹! 我沒有就你, 反正你根本就是不想喝,關燈睡吧!
最近super boy愛上擒上大人的飯檯。 不需10秒,super boy 可擒上我們的餐椅坐定, 然後再擒上飯檯搵野玩,看得我心驚膽跳! 餐椅離地尺半,飯檯離地兩尺半,跌落地就不得了, Super Nanny Jojo又要出場喇!
今日去三角公園玩,我一反常態,好吽豆,和Zoe跟玥玥分手 時媽媽說鍚鍚Zoe再見,我好似小餓狼咁強吻了Zoe的臉, 呵呵,賺晒囉, Zoe,我下次會控制我自己架喇(盡量)! 玥玥我幫你推好嗎? 我對波波失興趣了我第一次坐,好玩啊! 每朝飲完奶奶一陣就開始扭計想出去,途經爸媽的車就撲埋爸的車門嘈 要入去,對媽的車完全無興趣,請都吾入,咪以為我吾識分。
下午醒來無無聊,扭幾扭媽媽就帶我去街街,我們去看魚魚, 差一點點媽媽就買了金魚比我,當佢見我會用手攪魚魚後她改 變主意了。隔離店有狗仔睇,我開心到不得了,好在有玻璃隔住, 否則又好似上次咁用手拍狗狗個頭來自娛啊! little clown fish嘩,好大的一條藍吊啊!
所有遊戲班都在上星期完,成個星期無活動, 今日媽帶我去My Gym,那兒有很多大件玩具玩,還有my buddy Zoe. 擒得的大件玩具我都全部沒有放過,從高高的梯級跳落波波池亦面不改容。 playgroup at My Gym My Gym 最近愛上超市外那部大遊戲機,每次都玩到吾肯走。
出街見到陌生人時,我會表現得好乖,靜靜地給媽媽抱, 這就是媽媽最安心的時候,大部份時間我都落地周圍走,四圍攪。 最近我在晚上的睡眠時間己經調校到9點至9點多,比之前早一個鐘. 早上大概8時起床,不過有時7時,又試過9時,下午睡1﹣2小時晏覺。 今天玩到成3點才睡,媽媽要就住我的睡眠時間去街囉!
兩個星期沒有見過爺爺麻麻,一開門我就一直牽著爺爺的手向左走, 向右走,好像很想念他似的,冷落了麻麻,麻麻又說我無情了。 昨晚3點多我醒了,坐在床上挖耳仔,沒有喊,大概一小時後又睡了,媽媽 帶我看醫生,他說我兩邊耳仔都有一大粒耳垢,要滴葯水溶掉,沒有什麼走 進去,安心晒。
今日個頗皮仔發脾四掉野落地,越話佢就越大力掉,我忍吾住打佢幾下手板,佢知衰,但依然掉多一次 給我看,不過細力左,我再打手板,佢當我R痕,眼淚都無滴!
我自己從bb床擒出來經過姐姐張床然後跌了在地上,好彩地上有膠毯, 我仲頭落地,瓜瓜叫,喊了很久,這都是媽媽估的,因為事發時我一個 人在床上玩攬枕,慶幸沒有受傷。 咁快就識擒出自己張床,真係睇少一眼都吾得。 第一次去Disneyland,沒有什麼反應,始終太細,未識玩,見到characters亦不會笑。 Donald & Daisy & Me..大盜米奇想帶我去邊樹呀Goofy & Pluto成日整蠱小朋友一到萬聖節,連米奇都會變南瓜
昨晚10:30睡,今朝我5點就企係床邊笑口駛駛,見到姐姐還在睡, 我不停叫她,她問我“咩野事?“,我拿起攬枕拋向她,她把我抱到她的床 上想tum我再睡,我即時拿我的奶咀給她吃,她不領情,還合上眼繼續睡, 我出絕招,用手撥開她的眼皮,好殘忍地獲得最後勝利,姐姐起身陪我玩。 奸樣
經常無神神喊,我估還有幾天要捱。 媽媽下午在看Super Nanny DVD, 打算看看怎樣泡製我, 我剛在吃飯,一邊吃一邊看埋一份, 看得很緊張似的,連頭都側向電視機的方向,媽媽叫我不要看,免得我會學, 我相信不看我都會懂,頗皮就是我的強項。
上完EQ Playgroup在車上我好餓又好想睡,媽媽叫姐姐開奶奶給我飲, 可是她忘了帶奶樽,好在媽媽剛買了飯盒,唯有在車上吃飯,真是大陣 象,驚食到周圍都係,我食下食下睡著了,然後又喊要吃,一邊 吃一邊睡,如是者吃了半碗飯。 我都識幫自己磅重?差不多24磅,好Fit呵! 我重差不多24磅囉!
隻臼齒越出越多,痛到我成日喊,食飯又喊,飲水又喊,要用返軟飲管, 牙面還有些血,痛死我喇!! 尋晚睡覺又不停用手撩耳仔,都有喊,媽媽幫我滴耳油, 千萬不要是有蟻仔躲在入面啊! 今日是最後一堂返YWCA,我出門口前是很精神的,但是一到學校就睡至不醒人事, 媽媽不停叫我又攪我,結果,返屋企囉,一返到屋企,又鬼打都無咁精神。 咁粗魯?睇睇下書睡著
我去了我家那個小小的會所玩,兒童設私欠奉,媽媽教我打golf,我都係玩一陣就無興趣。 點睇都吾似打golf,似賣童裝多D點玩架? 入吾到,個波可吾可拿走做紀念呀!learn to play golf
今日約好玥玥和Zoe一齊玩,我一見到架車又想搶來玩,明明有人玩緊都照搶,激死媽媽。 Irene姨姨mi埋嚇我,嚇到我成個人彈起,今晚會不會發惡夢呢? 媽媽話我膽生毛,呵呵,不過‘姐姐‘你還是要有心理準備。 Zoe 玥玥吹脹...
右上顎的前臼齒出緊,見到有兩點白色,不知是否因為出緊3隻大牙,好扭計。 下午吃完飯高興地換好衣服爸爸帶我入西貢那邊玩, 點知出門口就落大雨,最後去茶餐廳食 tea,返到屋企爸爸吾小心弄傷我的眼眉,真是禍不單行。
今朝媽媽帶我返畢一會所玩,那陣陣的臭膠味仍然存在,我和相中的 小女孩小蕎3秒鐘撻著(蒸溜水友誼呀)。 小蕎你好攪笑看什麼要那麼入神? 我有一個大南瓜,trick or treat?快D,我要去trick or treat
今晚爸媽帶了我一起去吃牛扒,我第一次吃神戶牛柳, 一吃愛上,真識食。第一次見uncle就樸埋去比佢抱, 但見Auntie上了我們的車後就喊到要離開carseat媽咪抱。 Uncle話我好輕,他的baby Joshua大我一個月, 現在31磅,食得多Mcdonald? 呵呵。 自動樸向uncle比佢抱,想玩peekaboo?
晚上爸媽去看演唱會,只有我和‘姐姐’在家,我不停玩DVD機 ,她罵我,她很少罵我,我即刻跑入自己間房躺在梳化低聲飲泣。 飲泣了一陣又起身搵玩具玩,笑C‘姐姐’。
我今日見到隻笨笨的狗,開心到不得了,仲用手好似 笑聲拍阪的不停拍佢個頭,越拍越興奮,玩得相當忘我, 媽媽見到立即喝止和拉我走,我都未玩夠!媽媽話只可遠 遠的跟牠揮揮手,可是我熱情如火呢! 吾識死,用手不停拍狗狗個頭,嚇得媽媽.
今日中午食碎豬魚片芽菜仔湯河粉,好鐘意食, 食到吾識叫飽,媽媽比我個18.5寸大肚子嚇親啊! 不知從那時開始,我躺著換片時,patpat會自動"gut"起等媽媽容易D換。 我終於學會玩這部車,吾駛人推自己用腳撐下撐下,仲識向後撐。
除了魚外,我最愛吃北菇蒸雞,這道菜有汁,而且好香, 我可吃下全隻去了骨的雞比,和半碗飯。 牛我就不太喜歡,可能比較硬。 我又好鐘意一路看TV一路吃飯,差勁! 晚上吃完飯,爸爸帶我出外散步,媽媽一拿鞋出來我就立 即把腳伸進去,穿完左腳,到媽媽拿右邊的鞋給我時,我又 伸出左腳,我想一隻腳穿兩隻鞋?!
爸媽和我一起去會所游泳,水溫尚可,不是太冷。 我還用了脖子水泡,浮得很好,手腳自己動,好開心。 ************************************************* 最近我很喜歡玩尋寶遊戲,我把電視遙控收埋, 害爸媽周圍找了一個晚上亦找不到,有時在爸爸柜桐 會找到媽媽的衣服,我還很有手尾的把柜桐推埋, 無人會發覺的,呵呵,爸媽和姐姐搵到叫苦連天。 現在他們一有物件不見了第一時間賴到我頭上來,不公平啊!
我吾肯帶帽,姐姐發現只要在我面前叫“Justin, Justin”, 我就肯帶一陣,我喜歡側田呀,哈哈!
壞了一段時間的星星投射器最近又從發光明, 小臻又很好奇的想用雙手摘天花上的星星,摘 不到就傻笑,小孩子真天真。 陪我入睡的發光烏龜
今朝上完playgroup媽媽帶我去動物園看猩猩, 還有猴子和其他小動物,望著兩隻大猩猩, 我趴在攔杆邊不停咀在說話,猩猩都不明白吧!
我上playgroup時不喜歡說話,回家就常說BB話。 [pic2]