親愛的讀者您好：BabyHome更新了隱私權條款說明，在您瀏覽本網站前，請閱讀 新版條款說明
育兒．持家．愛自己
bella
文章分類
日期
#Tag
Hi~ 小寶真是可愛
資料載入中...
成年無返工, 今日返工覺得好充實. 可能成日係屋企又無乜建樹, 時間又過得特別快, 所以返工反而覺得時間過得好慢, 可以係一日做到好多野........... 而且心情仲開朗晒添呀.
今日媽咪比左個woodstock布鈴鈴我玩, 我第一次用手指攞住個woodstock搖, 仲好想攞佢入口食添........但係把唔到呀. 呢排媽咪佢地成日同我傾計, 我都會用返我的語言同媽咪佢地傾, 媽咪仲有時好似聽到我叫"MA"咁添喎.
今日天氣轉冷, 所以媽咪唔比我出街. 其實由今個星期一開始, 媽咪都每日同我落街街行, 所以今日無得出街好唔開心添.
晉晉呢排都係二日先呵一次屎屎, 但係呵屎屎果日佢就蝦得好勁, 要幫佢搽油油係肚肚, 然後食住奶奶先呵得出. 唔知點解呢?不過好過無得呵屎屎...............你估我望緊奶奶定呵緊屎屎呢?
[right1] eason場演唱會好High, 啲人啲情緒好高漲, 所以eason歌啲好放好高興. 我都嗌到喉沙.......Eason演唱會
原來今日係carol姨姨生日, 所以我請左佢食飯啦.
Daddy晚上出左街同朋友食飯, 我同媽咪同姐姐留返係屋企訓覺覺豬啦.
媽咪唔記得今日約左朋友食飯, 仲叫左大伯娘等人上左屋企食晚飯, 所以要下次再約過朋友食飯哪.....
今日媽媽早上咩左我出街買餸同等爺爺攞魚, 到下午又叫姐姐咩埋我出街攞野比姑姐同買野, 但係二次我一落到街街就訓著左, 一返到屋企樓吓就起身, 返到屋企因為我喊得好勁, 仲比媽媽鬧我曳曳...... 原本媽媽話今晚帶我去睇燈燈, 點知爸爸帶左媽媽出街食飯, 所以無同我去啦.............
今日媽咪帶埋我同姐姐去佢公司食春銘, 去到有好多哥哥姐姐同我玩呀, 而環境又好,天氣又好, 不過食完飯就返屋企食奶奶lu.
今曰晉晉由上午到下午都無乜訓覺, 唔知係咪又去左街街, 所以去完街街返來都係無乜訓覺, 仲好蝦眼訓都唔訓得著咁, dum左好耐先係9點鐘訓好啲, 唔知今晚佢點呢?
橙啦........ 晉晉出世時媽咪先減返十幾磅, 點知進保左一個月勁肥返十絃磅, 仲肥過未有晉晉的時候添.............
十二
今日一早媽媽會幫姨媽入錶, 所以又叫姐姐帶埋我落街晒太陽, 順便接姨媽同女麻女麻船.
女麻女麻返左來.......
婆婆係網上睇到話我自己打腫隻眼, 所以昨日急call媽咪叫佢帶我返婆婆家, 比婆婆睇吓 我腫成點. 所以媽媽今早就同姐姐帶去婆婆家了. 返到婆婆家,婆婆終於見到我無乜事就放心啦, 仲同我洗白白添. 之後我就同表哥jason係婆婆屋企玩, 等四姨媽下午來接我地返屋企啦.
二姨媽幫我訂左好多奶奶, 所以今日下午等四姨媽接我地去二姨媽到攞奶粉. 媽咪順便幫我磅重, 我原來己經有5.5kg(12磅)啦.
初九
今朝天氣非常好, 太陽伯伯一早就出左來, 媽媽話我每朝都咁精神, 所以帶左我去海旁散步, 仲等埋爺爺攞魚魚返來食添.......
今日無出街, 到下午先有成哥哥, 及柏柏&詩姐姐來拜年, 全日都係屋企. BB成日喊唔知係咪肚仔痛, 定係習慣性格日發作(喊).
初七 - 生日快樂!! - 人人生日
舊同學團拜 - 晚上玲姨姨一家與晉晉B詩姨姨一家與晉B敏姨姨
Mami同Daddy今日好似係訓覺天, 無出街街,又無朋友來屋企, 咁我就等下午媽咪同我落樓買東西先出到街街啦...... BB今朝一起床成塊面損左二點, 因為昨晚嘔奶整污濁左手套, 之後媽媽又無帶返對新手套比佢, 所以BB的手指甲就爪損左自己塊面哪............
Mami 今日約左的同事出街食街, 放低我係屋企比姐姐照顧我, 其實Mami好想帶我出去架, 不過因為夜晚出街Mami怕我嚇親, 所以決定唔帶羅............ 最後Mami又決定帶埋我去逗利是, 所以叫埋姐姐帶埋車車帶我出街街哪.
今日Daddy朋友來左屋企拜年, 好熱鬧............
媽咪話我三個鐘頭食四安奶太密, 個胃消化唔切, 所以由今朝開始, 媽咪同姐姐強迫我四個鐘頭先可以食四安奶, 但係我慣左二個鐘頭就叫肚餓, 咁咪即係迫我餓同喊多二個鐘先食得羅..........
今日Daddy返工， 公公婆婆又帶埋jason來探我啦， 媽媽掛住同jason玩，唔記得同jason映相， jason表哥好好笑容架．
年初三 - 赤口
姐姐放假! 今日Daddy的家人全部來晒我屋企, 好熱鬧,所以Daddy同Mami都好忙做家務, 我就比左大舅母等人湊啦!
恭喜發財!!! 年初一
