親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Fiwey
他的寶貝
他的興趣
文章分類
日期
#Tag
Hi~ 小寶真是可愛
資料載入中...
婚姻是人生的新階段,一對新人在婚姻監禮人及一眾親友在場見證下向對方許下結婚誓言,正式成為合法夫妻的開始。整個證婚儀式雖然短暫,甚至是新人們最易忽略的一個重要環節,但證婚儀式是代表著你倆正式成為合法夫妻,是向對方訂下愛情與忠信的終身盟約,意義非常大! 了解更多: https://wevow.esdlife.com/article/content/證婚儀式流程
現時新人在Big Day當日,都會為每位賓客準備一份結婚回禮小禮物,例如朱古力、花茶、果醬、蜜糖等等。雖然新人總是覺得要準備回禮禮物才能向親朋好友表達謝意,但不少人都會覺得回禮禮物不太實用,覺得不適合掉丟又太浪費。因此與其買一些不太受歡迎的回禮禮物,新人不妨考慮將花在回禮禮物的錢放在其他地方上,例如婚禮回禮捐款給慈善機構,幫助有需要的人士或小動物。 當機構收到婚禮回禮捐款後,一般都會有提供心意卡予新人在當日轉交給賓客,令整個婚禮變得更有意義。 <了解更多> [轉載]
拜四角用品清單 四角衣 (拜四角的專用衣紙)、15枝線香、5對蠟燭 蘋果、梨及橙各5個 燒酒3杯 有殼花生及糖果一堆 熟鴨蛋5隻 連皮生肥豬肉5件 紙碟5隻 紙杯7隻 (用作盛載3杯燒酒及4杯水喉水) 準備好拜四角的用品後,將所有用品平均分成5份,用紙杯紙碟盛載。 首先將一份祭品放在大廳中央,再放3杯燒酒,其餘4份祭品分別放置屋內四角,每角再放一杯水喉水。 [轉載]
很多人越來越反感朝九晚五,偶爾還要加加班的生活狀態,他們希望找一份嫻靜又充實,告別噪雜喧囂的工作。特別是一些年輕人,渴望着擁有一家自己精心裝飾的小花店,自由自在的過着平靜樸實的日子,回歸自我。有一個女孩曾經問我:我想做一名花藝師,有前途嗎? 記得當時我的回答很簡單:很多時候光鮮只是給別人看的,其實生活終歸是自己的,如果這是你喜歡的,不妨去試試。 因為在我看來,沒有那個行業是沒有前途的,關鍵是你是否喜歡它,是否能為它堅持走下去;否則再有前途的行業你也會幹不下去。 有人覺得花藝師是個非常美好的職業,能夠追尋生活中的熱愛,整天與花草相伴;能夠親近自然,回歸自我;更夠為別人帶來美和祝福,他們的生活一定非常幸福陽光吧。 其實不然,也許你看到了他們此時光鮮亮麗、熱愛生活,但卻忽略了他們背後的辛酸與付出。一個職業花藝師,不管他們有沒有自己的店,也不管他們是高大威猛還是嬌小瘦弱,他們都曾遇到過或正在遇到自己搬不動搬不完的花材、經常累得腰酸背痛、手被扎的鮮血淋漓、拿着微薄的收入……
婚禮開支大,新人為了慳錢,當然會想盡辦法,例如買入二手婚禮物資;而中式婚禮習俗又繁複,很多時新人沒有細想便亂用亂丟婚禮用品,以上兩大情況原來都有機會影響婚姻幸福。所謂寧可信其有,不可信其無,聽聽羅勤芳大妗姐有什麼溫馨提示吧! 過大禮禮品清單中,男家會準備椰子作為聘禮,象徵有爺有子,兒孫滿堂。在中國古時農耕社會中,新人收到椰子後會拿來栽種,時至今日,雖然大家都不是務農分子,但收到椰子後也不能食用,也不要立即丟棄。羅勤芳總監建議,要放到過大禮後最少一個月或者結婚後,才用紅紙或紅膠袋包裹丟棄。 過大禮時所準備的上頭套裝中含有扁柏。新鮮的扁柏加上紅繩,是在新娘上頭時夾在頭上之用。然而過大禮與上頭儀式可能相隔數月,扁柏有機會不再新鮮,不適合作上頭之用。羅勤芳總監建議,如果在過大禮後好快會進行上頭儀式,可將扁柏用保鮮袋裝起,放入冰箱保鮮;或者讓其自然榮枯,再用紅紙或紅膠袋包裹丟棄,待上頭前提早到花店預留新鮮扁柏。 更多詳請請按此.
結婚其中一環就是派喜帖(紅色炸彈),坊間的婚禮統籌公司一般都有囍帖製件的服務,但不少準新人都不太清楚喜帖的正統寫法及格式。萬一喜帖格式及寫法出錯,不但影響喜帖的觀感,更可能被長輩視為有失大體。不想人生大事成為親戚朋友嘲笑的對象?教你如何撰寫得禮的中式喜帖。 無論是哪種設計的喜帖,內容都一定要包括婚期及婚宴的日期及時間。通常喜帖會使用啟事語:「謹訂」、「謹詹」等詞匯。日期和時間則以公曆與農曆顯示。 撰寫新人名字時,除了要留意男右女左外,還要據他們家中的排行,相對應地加上稱謂。不過,新郎的姐姐及妹妹和新娘的兄長及弟弟並不計算在內。以下是有關排行的寫法, 大家可 以參考一下。
要結婚,要煩千種東西。排期註冊、訂結婚場地、過大禮、印喜帖、揀花球、諗流程、諗誓言…… 每一種都令你頭昏頭脹。想一次過了解結婚有什麼要準備?為你收集各種資料,只要留意以下婚禮Checklist,所有問題一一K.O. 在香港註冊結婚貌似簡單,但事實上要準備不少文件、留意眾多細節,就連在哪裏行禮都影響到註冊程序。要知道香港婚姻註冊有什麼程序細節,Click入以上連結一清二楚。
小妹終於捨得寫blog ,拖下拖下已經過左半年,叫左自己吾可以再懶落去 第一次寫blog 想分享既就系婚宴場地喇 報告一下我地既要求先 -擺15-16圍 -每圍$10000以下 -想包場 -擺晚宴 -食物味道 能夠符合我地既要求,簡直系少之又少 擇日之後就拿拿聲搵場地,見到有岩既場都去問,點知....越問越sad 因為好多間最理想既日子都無期,仲要問埋其他日子都系無,我心諗有無咁full,吾怪之得人地話結婚要用一年時間準備 進行哂篩選之後即刻約去睇場因為自己好中意粉色系既關係,第一個場就去睇粉色系場地先啦
結婚要準備既野好多,最近終於叫定晒所有大項目,身為伸手黨既我都終於叫得閒可以寫下blog分享下我係度爬文爬左咁耐,搵到啲咩好野喇!! 第一篇要講既係婚禮攝影,因為本人係婚展好唔小心咁join左一條龍,但之後發現評價好差(之後再講),所以決定把心一橫,搵另一個可靠既攝影團隊!! 但又因為已經洗左冤枉錢,所以可靠得黎唔可以太貴,最後我用超抵價join左2p1v
都唔知係我哋好彩定唔好彩,估唔到我哋尋尋覓覓睇左30個場之後竟然會再一次需要去睇場,當時三小姐真係覺得非常之困擾。 話說我同大少係今年一月份終於確定左我哋嘅婚禮場地,但係點知三月份就收到消息我哋個場竟然比另一個婚宴集團收購左,除咗會改名之外,連當初傾落嘅裝修設計亦都會唔同,而且廚房亦都唔擔保會唔會轉手,所以三小姐決定要轉場!!
BB既預產期係1月28日, 我公司放假放前2後8, 所以係BB 38週既時候就放左假喇。 等阿等, 去到39週既時候已經好心急, 醫生仲問我如果BB唔出黎打算點呀, 有2個Options, 一係照等, 一係就催生 (仁安醫院生B), 成日聽人講話催生好痛, 所以到左39週真係好緊張, 日日都係度等BB出黎。 作動 39週+4 既時候, 5:30AM- 果陣都係熟睡緊, 突然之間Feel到有D水湧出黎 就好似平時白帶量好多咁, 嚇到我即刻 "OMG" 叫左一聲, 之後就拿拿聲去廁所睇啦, 濕左一達2個5蚊銀既分量, 透明無味道, 之後就懷疑要黎料啦~ 知道第一次應該冇咁快既, 所以就繼續訓左陣。 去到6點幾既時候, 我就開始感覺到肚痛, 其實係M痛既感覺, 我即刻用手機Apps記低宮縮既時間, 都算有規律, 大概5分鐘痛一次, 一次痛40秒左右。 咁我就立即沖涼, WhatsApp我既醫生,佢叫我唔好食野住, 穿水既話入院檢查左先 搞到9點幾左右就叫左架Uber出發去仁安醫院。 呢個時候既陣痛已經開始密左少少, 有時4分鐘痛一次, 有次更加3分鐘就痛一次。 陣痛既感覺對我黎講好似M痛咁, 可以講比起M痛仲冇咁痛。
雖然不是住港島西區,但瑪麗的產科和兒科一向首屈一指,很多政府同事和朋友,甚至名人,都慕名而來。幸好自己工作的地方都算是港島西聯網,加上一位大學同學是瑪麗產房助產士,這次一次要找她幫手! 由於隊長今天要上班,於是叫了老爹陪我去產檢(贊育醫院)。約左早上8:30am,真係早過返工。因為有媽媽話要幾個鐘,一定要食早餐才去。於是六點半起身,拿拿臨和爹爹在家樓下吃一碗粥後,就立即搭地鐵去西營盤站。 我真的很幸運,因為港島南線去年尾才通車。否則的話,我要坐巴士去,仲要遇著繁忙時間會塞車。好彩而家係西營盤站B出口,一出轉左直行5分鐘就到。最最最重要是不用上斜路,因為地鐵出口係第一街,否則要行長命斜,等於6層樓咁高架。諗到遲些陀住個大肚子,又要上斜,咪話唔辛苦。 我以為自己倒塔咁早,到達時剛8:15am,但前面已排左四五個準媽媽!好彩診所準時8:30am開門,首先取了一本產前護理記錄冊和登記編號,坐下乖乖睇片。那條片應該是20年前的產物,解釋產前檢產包括甚麼、唐氏綜合症、照Oscar、各項驗血、以及之後的安排。還有一段片應該是剛拍的,就是QM和QE由2015年中至2017年出世的BB,都免費做代謝病檢查,出世後在BB腳底抽一支血,就可驗到幾十種代謝病。這檢查係私家驗幾千元,又可慳返一筆了。 順帶一提仲要填一份問券,內容有問婦夫之間的關係,如老公有無打你等,好搞笑。我好好彩,原來是3號籌,好快入房姑娘簡單問過病歷,例如之前有無小產過、有無出水痘等。 再等一陣,立刻可以入房照超聲波驗Oscar!又可以見到小兵啦,好興奮呀。政府真係好衰,一開始問有無出面睇私家(以及睇邊個),又問點解唔係私家驗T21 or Nifty。因為若果你在出面驗左,政府不會幫你再驗一次Oscar的,佢話浪費資源,而且兩個結果唔一樣,到時唔知點算(當然唔會啦,驗DNA係99%準的,反之Oscar只有86%準)。
話說喺六月尾揀完衫,七月中就去Studio影婚紗相。預約下午一時拍攝的時間剛剛好,可以等我哋食完早午餐,然後精力充沛咁去影相。 一去到首先試返上次揀咗嘅衫。我問助理Eva點解要特登試多一次而唔直接著去影,佢好細心咁話要確保件衫係best fit 新郎新娘先開始拍攝,呢個絕對加分呢。跟住就去化妝set頭,雖然幫我化妝嘅係韓國人李老師,但係佢同我用普通話同簡單廣東話溝通完全無問題。佢又有問我意見,同時俾到專業建議我,咁我就好安心交左我個樣同個頭俾佢啦 另一方面亦要多謝風趣的攝影師同助理們。攝影師也是韓國人,他會常常逗我們笑而兩位助理拍攝期間一絲不苟咁樣照顧我地,頭髮歪了點也要整理好先繼續拍攝,好細心呢~ 就係咁非常順利影完相,第二日就收到呢幾張精華相啦嘻嘻️期待正式揀相
當結婚日子定好,場地定好,三師定好後,作為新娘子最重視一定係婚紗&晚裝。之後會開始上Facebook 、IG去睇不同婚紗店,不斷問婚紗店PACKAGE 價錢格價。一生一次穿上婚紗絕對不可以馬虎了事,但同時要又要睇住個預算,都去了不少婚紗店試一試不同的婚紗禮服,真的有點難度。所以我問了90間以上婚紗店價格,有需要大家PM 問我囉個表去參考一下。 我發現係選擇租婚紗時一定會面對幾個問題,可以同大家分享一下。 - 要租幾多件婚紗&晚裝? - 中式裙褂應該在婚紗公司租嗎? 還是在中式裙褂專門店租用? 1. 要租幾多件婚紗&晚裝? 我自己經驗女仔 1 套中式裙褂、1 套外拍晚裝、1 套迎賓晚裝、1 套進場婚紗、1 套敬酒晚裝、1 套送客晚裝,合共6套。 如果時間比較趕急,可以考慮唔要送客晚裝及外拍晚裝。因為擔心外拍個條易整污糟,而且好似決定外拍,所以我就直接係淘寶買了一條平平地就算啦。 2.中式裙褂應該在婚紗公司租嗎?還是在中式裙褂專門店租用? > 係婚紗店租中式裙褂係比較平,如果沒有特別要求,大部份都提供到小五福裙褂。而我JOIN 個間婚紗店PACKAGE 除開都只係大約$980蚊就可以租到一套大五福的裙褂。中式裙褂專門店選擇會比較多由小五福到褂皇都有提供,而且SIZE 都會齊全。按我了解係中式裙褂專門店租用一套大五福價錢差不多要$1200或以上都有了。下面係兩間不同裙褂店試穿款式。 若想知道更多, 請按此連結觀看: https://wow.esdlife.com/space.php?uid=131782&do=blog&id=413607
今次慳家男女想分享一下伯大尼教堂的證婚場地,相信唔少b2b都係睇相見到伯大尼教堂好靚(慳家男女最中意佢的玻璃窗花),比佢的古典風格吸引,先至會下定決心book(搶)呢個場地,但其實教堂入面係點架呢?音響位置(座PA System)係邊?數碼管風琴係邊?教堂內有幾多行長椅?每排長椅可以坐幾多人?教堂提供d咩設施?有咩要自備:油畫架?紅地毯?場地佈置有咩限制? 慳家男女去site visit之前都有好多疑問,好多野都唔清唔楚咁好想捉住係伯大尼完婚的sis係咁問希望今次慳家男女的小小分享可以令大家了解多dd伯大尼教堂️ 伯大尼座位 伯大尼教堂限制人數為100人,教堂共有9行長椅,每行有4排長椅,慳家男女朋友唔多,所以只安排賓客坐中間近通道的2排長椅,左右邊位的長椅都吉左,每張椅子可坐3-4人… 更多請到: https://wow.esdlife.com/space.php?uid=148387&do=blog&id=413384 觀看
其實未準備結婚時,已經同K先生講要去台灣影pw, 因為台灣係一個有好多我地回憶的地方。但當準備結婚時我剛轉工,怕拎唔到假,所以係香港影咗輯就算…. 但一直心思思想係台灣景,所以我都係再提出不如去台灣影多輯。K先生居然無反對,話只要時間就到就去啦。 於是,我就開始做吓research啦。不過作為一個懶到出汁的人,自然好快放棄。。。結果求救剛嫁去台灣的表姐,問吓有無好介紹。表姐問我有咩要求,我話要平,有韓風feel同夠moody(呢個係K先生的要求, 到而家我都唔知係乜) 岩岩6月去左台北幾日影婚紗相,影完覺得好靚所以想係到同大家分享下 首先化妝方面,我好鐘意化妝師幫我化嘅妝 佢幫我設計嘅3個造型都好滿意 不論係型格定甜美風我都覺得勁靚 去之前我一直都好擔心去到唔識點影 點知攝影師會先教我地點擺pose會影得好 影完會俾哂所有相片完檔我 除左車費同攝影棚場地費唔會再收其他雜費同安瓶費 收費公道合理,我最後仲加左十幾張相落相簿 全部加埋港幣一萬蚊左右 好多親戚朋友都話我地影得好靚呀 好開心遇到好好嘅團隊 收到相再同大家分享!
我係一名小資新娘, 所以係搵擺酒場地既時侯有呢D考慮: 1. 晚宴酒席+10% <10k> 2. 場地本身提供既佈置都足夠, 可以慳番deco 筆錢 3. 樓底夠高 4. 新娘房夠大 跟住就開始搵場地喇 1. 美麗華 Mx Dxx 上網見到個場地d 相好靚尤其係個證婚場地好多花花交通又方便 但唔好處係新娘房真係好細, 姊妹房係戶外另加出黎, 夏天應該會好熱同埋Menu 選擇款式較少 Clxb Oxe 我睇左3個婚宴場地 呢個場有朋友介紹話唔錯同埋都係交通方便 最重要係Tiffany色 , 但新娘房同場地都係比較細, 我當日去睇場set 大約13圍左右還可以, 但再加d圍數會有d逼 ClubONE 而呢個場地係男友睇到見有2層所以有興趣, 相對交通無上兩個咁方便 (但滿指定圍數會有旅遊巴提供接送), 但係場地同新娘房大D, 同埋我10幾圍已經可以包晒兩層 本來諗好左呢個場地仲打算俾訂, 但臨俾訂前帶屋企人睇多次場, 佢地話個場有d殘舊同兩層唔方便老人家出入而無揀到 ClubONE 最後呢個就係我揀既場喇, 佢呢個場樓底幾高同迎賓區好大, 加上有LED wall 選擇, 而新娘房都好大成班姊妹入去都無問題, 不過因為我少圍數所以包唔到全場, 同埋佢呢層係無男洗手間, 要去既話就要落番一層去商場既洗手間,交通方面附近無地鐵站但滿指定圍數會有旅遊巴提供 我join 左佢地既主題婚宴同餐前小食package, 但我建議如果有得揀既話都係唔好join, 因為唔係平同埋亦唔係抵, 所以想join 既諗一諗先喇 P.S. D相我係官網download 落黎, 因為我懶睇場係完全無影相既
踏入懷孕第30週,仲有差不多10個星期,唯妹就要出嚟喇。要買嘅物品都買齊,呢幾日都執好走佬袋,同大家分享一下。 走佬袋用品list只作參考,因為用品因人而異,開刀同順產唔同,唔同醫院都有唔同要求,而我打算同上胎一樣去QE順產。 我會分成兩袋,一袋入院時拎,另一袋就叫老公嚟探我時拎俾我。 入院袋: 餵奶Bra 一個 底褲 兩條 拖鞋 一對 面巾 一條 牙膏 一枝 牙刷 一枝 漱口杯 一個 卸妝液 一枝(註:如果喺街突然生得,都可以生完喺醫院落妝嘛。呢排見到有試用裝記得留返,唔使帶咁大枝去) 化妝棉 適量 爽膚水 一枝 面霜 一盒 紙巾 一盒 廁紙 一卷(註:去廁所用,只係個人習慣,產後房廁所都有廁紙提供) 濕廁紙 一至兩包(註:上胎發現呢樣好好用,因為有時啲血會黏住皮膚,去完廁所用呢隻濕廁紙可以抹去乾咗嘅血,而且可以直接沖走) 產後M巾 一包(註:如果住一兩晚都夠用) 網褲 一包 床墊 一包 沖洗瓶 一個 乳墊 兩至三對(註:頭一兩日奶量唔多,未必會谷到漏,帶定以備不時之需) 外套 一件 暖壺 一個(註:裝炒米茶) 杯 一個 餅乾 隨意(註:如果生完已經過咗晚餐時間,都有嘢食) 茶包袋 幾個(註:用嚟裝炒米茶,但我會喺入院前先炒好,所以入面未有材料) 外置叉電器 兩個 叉電線 一條 BB手套 一對 BB紗巾 兩條 濕紙巾 兩包 尿片 一包 出院袋: 我嘅出院衫褲 一套 BB出院衫 兩件(註:有蝴蝶衣同包腳夾衣各一件,如果唔係包腳,記住帶對襪俾BB) 包被 一張 BB帽 一頂 有幾樣嘢唔少媽媽會問到: 1. 沐浴用品 上胎我有帶我嘅沐浴露同大毛巾去,但冇沖過涼,所以今胎唔再帶。至於BB ,亦可以唔使帶沐浴露,因為QE護士會幫BB沖涼。 2. 泵奶器 頭兩日嘅奶量未必有咁多可以泵到出嚟,用手擠之後,問護士拎針筒或者杯仔裝住,直接餵俾BB就可以。 如果真係要用到泵奶器,QE可以借(喺其他醫院生BB嘅媽媽請向醫院查詢)。 3. BB包被 我嘅預產期係6月,根據上次生唯b時嘅經驗(唯B喺5月中出世),上述帶嘅BB衫同包被都足夠,媽媽請就出院時溫度預備衣物。 入院袋內嘅用品唔好放太多,夠用頭一兩日就好,真係唔夠先叫家人帶俾自己:) 希望今次分享幫到新手媽媽啦!
由於C先生同C小姐都唔喜歡港式婚禮, 又唔想煩, 所以就選擇左比較特別嘅結婚形式 - 海外婚禮 因為我地所有朋友都無試過搞overseas wedding, 所以做資料搜集都幾吃力, 其他b2b係wow ge 婚享真係幫左我地好多! 海外婚禮地點有好多, 要陽光與海灘ge有沖繩, 關島, 峇里等等 要特色教堂ge有日本輕井澤, 大阪 想即興嘅,仲可以去拉斯維加斯 C小姐自小夢想的婚禮一定要有藍天白雲與海灘, 所以順理成章當然選擇海島婚禮!
參加婚禮時,許多人都會避免穿著跟新娘一樣,就怕搶了對方當日主角的風采。美國一名女作家艾咪(Amy Pennza)恰巧遇到這種情況,且撞衫穿上「白色婚紗」的還是自己的準婆婆,當眾人感到場景怪異時,艾咪也緩緩道來背後的故事,讓網友瞬間紅了眼眶。 「我完全不知道婆婆在婚禮當天要穿什麼…」,艾咪表示,婚禮流程實在太忙,就連當天早上幫忙的伴娘等人也都擠在小房間內打扮,沒有人去注意到婆婆在婚禮上的穿著。也因此,當婚禮開始時,她才發現未來婆婆竟穿著白色的婚紗,讓她當場傻眼。 艾咪將照片PO在個人推特上後,引起許多網友關注,更有人認為艾咪的婆婆是故意的,「你老公還活著嗎?」、「太扯了!這個家不正常吧?」等,而艾咪也緩緩跟大家說出婆婆會這麼做的背後原因。原來,艾咪的婆婆是在相當貧困的環境下長大,幼年時期甚至會餓到去廚房找火柴頭來填飽肚子,「當你一無所有的長大,這種心態跟觀念將會跟著你一輩子,不管你之後賺了多少錢,心中總是害怕有人把一切奪走」,她甚至因此成為殺價高手,還會因年紀增長到可以享受某些折扣而開心。 因此,艾咪的婆婆幾乎捨不得買好的衣服,也在一次的婚紗特價中買下那件白色婚紗,並穿著它參加婚禮。艾咪表示,她當下的確非常傻眼,但想到婆婆的過去,以及對方在照顧孫子時總是不遺餘力,「她願意為了孫子付出一切,因為她是一無所有長大的」,「雖然那件婚紗事件很嚇人,但也留下一段蠻有趣的回憶,沒有一個出席這場婚禮的人會忘記」。