親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
鳶
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今晚返左麻麻度食飯~~~~
115分
黎緊24,25,28,29都要評估~~~~ 即係測驗~.~"""" 放假又無得去玩喇~~有人要溫書!呵呵~~~
呢幾晚發夢.. 都係夢見自己大左肚... 有胎動感覺,最恐怖係..個肚有隻手仔撐左出黎~~ 唔知係咩野先兆呢.. 上網睇..根據周公解夢--女性夢見懷孕,預示著幸福和物質財富的增加~ 係咪真既先~
公司既同事... 對佢越黎越難頂=.="""" 自私到死!!曈放早.佢又應承幫我留係公司,放工打比老闆.. 我問佢,你唔留,我同老闆講.係佢一口話會幫我留~叫我唔洗講~ 點知突然打黎.話"唔舒服"走先~~ 之後攪到我要趕返黎公司打比老闆>.
今日去左彩瑩度~~~~~ 因為佢個仔擺滿月~~ 晉宇bb似足佢爸爸,好醜怪hahahahah... 祝晉晉bb身體健康..快高長大!!! 去完彩瑩度..去左錦田鄉村俱樂部玩~~~ 有得玩撈金魚,彈彈床,餵兔仔,電動車,擿士多啤梨。 玩完...謝果個唔係曈,而係我 =.=""""" 原本爸b伯伯都會一齊去玩..因為無得收早.. 變左我一個人帶曈曈去玩=.=""超累囉~~~
麻麻打黎吹水..聽到原來佢一星期會去細佬屋企兩,三日~~ 曈曈聽到呻燥...喊左出黎!!!!! 因為麻麻成日話最錫曈曈..... 事實又證明..口講話最錫..行動..佢最錫咪又係d 從呢件事中..麻麻係曈曈心目中好重要!!! 我估唔到..一個7歲既小朋友,聽到會唔開心的~~
今日同婆婆公公佢地去銀座食飯~~~~~ 華姨好完泰國返黎買左手信比我~~
曈曈小二..但d默書,測驗,好似唔識停甘~~~ 諗住星期日去玩下..點知下星期又話要默書~~~ 真係好辛苦囉~~~想當年我做小朋友都無甘辛苦的!! 除左成績..又話要十項全能~又要學呢樣果樣~~ 唉~~~!!童年甘樣~~~童真咪無哂~!!!! 依家d小朋友真係好辛苦~~~~~~~~
今晚拎左麻麻比既雞黎煲左雞粥食^0^~~~~ 好好味呀...好最鐘意食雞粥~~~~ 之後炒左個烏東比曈曈食... 曈曈話好好味喎^0^~~~~~~~
99分呀^0^
好彩上星期已經幫曈溫定英文默書~~~~~~~ 今晚好快就溫熟了~~~~
今日帶曈曈出元朗踏rolla... 雖然佢唔識踏..但佢又好鐘意玩喎~haha...
今晚返左婆婆度食飯~~~ 上星期返婆婆度講左一句.我想食薑燥~~~~ 今晚返去婆婆就煲左一大煲比我食喇~~~仲攞埋返屋企~~ 好感動呀~~~~媽咪我愛您呀~~!
老闆今日早走...終於有時間打埋d日記喇~~~
106分呀~~~~好叻~~~~~
依家返工無得偷懶...因為老闆變左!! 電腦又話唔比玩.又要不停打電話~ 仲無得收早添=.=""" 哎...好辛苦呀~~~~~
爸b又轉工喇~~~~~ 佢今次係返去伯伯間公司做.... 佢話好唔慣.因為超多野做..又要遲收工~~~
老闆去完美國返黎好似痴左線甘~~~~~~~~ 由今日開始要我日日放工打比佢=.=""" 即係唔可以早走=.=""""
上午同爺爺飲完茶,下午就同婆婆飲茶~~ 飲到飽~~~~~~~~~!!!!!!
返到屋企就大覺訓... 一家三口訓到6點先起身~~~
今日係曈既家長日~~~ 請左假去參加~ 見到d同學仔上台攞獎,好感動~~~!! 唔知我會唔會見到曈曈上台攞獎呢~~~~~ 曈曈今次比上次評估有進步~~~ 考12名..我仲以為佢得16,7名到~~~ 因為佢果班d同學仔好勁~~~~~!!科科9字頭!! 12都算係甘~~~~~繼續努力!!!!!
今晚返左爺爺度食飯~~~ 同細佬曈曈落左樓下公園玩~~~
好朋友生日快樂~~~~~~
同事提議老闆玩遊戲(因為好多公司新年都有抽獎遊戲)... 老闆話好..玩掟錢.佢掟錢..我地執~ 執到幾多就係自己~~~~ 聽完..我超唔想玩..心諗當我地乞衣咩~~~ 我同我同事msn講..你執埋我個份啦...... 幾多錢我都唔會執架=.="""
開始厭惡返工..... 我好討厭老闆的做事方式~ 同事唔做就乜都交比我~~ 文員變左要掃地,勁大塵..兩個男人就坐係度唔掃.. 唔掃不特止..仲關埋房門..因為大塵..呢2個所謂的男人... 掃完坐都唔夠一分鐘.又問..呀瑛妳打左幾多電話..出左幾多信封!! 同埋每日報數比佢......!!!!!唉~咩野工黎架>"
曈曈既英文默書又黎喇.......... 希望佢唔好溫到喊啦~
今晚返左婆婆度食飯~~~~~~~~ 仲同公公係樓下打羽毛球hahahah
今日煲左菜乾蠔士豬骨粥~~~~~~~~ 但曈曈就唔多鐘意食~~~~~~~~
老闆好煩......... 日日都問:呀瑛妳今日打左幾多電話?? 唉~~~~~~~超煩!!!!!!!! 唔想做呀~~~~~~有無d工可以揍到女又唔洗點做架! 最緊要係個老闆唔煩@@""""""""""""