今日係我3個月3星期3日大, 三條三! 好快就四個月了! 不過呢幾日天氣好差, 時冷時熱, 又潮濕, 落埋晒d失魂雨, 洗左d衫都好難乾, 我成日流口水, 一日都要換三次衫, 用幾條口水肩, 十幾條手巾仔, d衫唔乾你話係咪好煩惱!
食手指, 玩口水
今日爸爸有三個朋友來探我, 咁啱婆婆又來到, 婆婆話我好識做戲, 一見到陌生人就即係扮乖, 又唔出聲又坐定定, 成個乖細路咁, 點知爸爸同朋友一走坐, 到婆婆湊我, 我就即係露出真面目, 呱呱叫又嘈之巴閉, 咕來咕去, 嘈到不得了, 所以媽媽都話我最另係"扮乖"和"扮可愛"!
