今日又要打針嘞, 係咩咩咩混合針第二針, 婆婆一早就買埋早餐來我家, 媽媽話蕃茄通粉幾好食, 然後我地就一齊出發去健康院嘞, 我今日搭車無喊, 幾叻仔. 去到健康院我瞓著左, 媽媽同姑娘傾計時我突然醒左, 我捉實姑娘隻手指, 以為佢同我傾計, 係咁笑, 姑娘問我有無咁好笑???
話咁快就打左針, 今次少少喊, 回家都無乜大反應, 照常食奶, 玩, 扭人抱抱, 仲好多野講, 又尖叫, 爸爸昨晚好夜返, 無同我傾計, 今日話:無見一日點解多左咁多野講? 佢話我似麻甩仔, 後來又話我好可愛.
今日諾澄姐姐彈琴比賽攞第三名, 我媽媽和佢媽媽都好開心, 我媽媽話好意外, 估唔到佢會獲獎! 媽媽話獲獎係一個好開始, 希望佢勝不驕, 敗不餒!
