哈哈哈.. 條毛巾吉到我好痕呀...
嗚哈哈...! 爸爸你跳舞好低能呀!
我現在大致已建立左一個穩定的生活習慣, 早上8:00-8:30醒左食早奶, 食完換片片, 同媽媽傾一陣計, 再瞓過, 今日唔知為乜, 食飽早奶唔肯瞓, 咕來咕去又呱呱叫, 媽媽想偷懶瞓多陣都唔得, 索性起身同我沖涼, 然後飲汁汁. 噢, 我唔記得提一提, 我己經愛上左飲梨汁了, 但媽媽孤寒, 每日只係比我飲兩次, 每次得1安士咁大把! 我啜啜下好開心的時候, 發現無晒汁汁, 就會好失望咁大喊!
媽媽發現我好鍾意會所一個玩具, 周圍幫我搵黎買, 今日終於比佢搵到嘞! 係一個色彩好繽紛的轉轉輪, 有鏡啦, 鈴鈴啦, 太陽伯伯啦...無論媽媽幫我轉, 或者媽媽捉住我隻手來轉轉轉, 我都會笑到he..heee...he...咁, 仲玩極唔厭, 所以媽媽話呢個野好抵買!
日日趴趴身體好
咁多口水, 似足我爸爸
