爺爺上個禮拜跌親,要睇跌打,今日爸爸放假,我地一齊返去探佢和嫲嫲,今日我返到香港仔好精神喎,仲用好高音的聲線同爺爺嫲嫲傾計,佢地好開心!沖涼沖到咬住個盆!?今日沖涼好古怪,媽媽幫我沖背脊果陣我無端端好大膽咁將兩隻腳向後踢,我就由跪變成趴,好似游蛙式咁,呢個動作已經唔係我第一次做,但今日我仲咬住個盆邊,非常古怪!媽媽話我跩到不得了,仲有呢個紅色盆就快唔夠我用,要轉用寶儀姨姨個名貴米奇盆囉!
