[left1]今日星期三, 爸爸上午去打網球, 返來同我地去飲茶, 媽媽成日同人講我好跩好跩, 其實一個四個幾月的嬰兒可以有幾跩呢, 其實真係可以好跩好跩架喎!
就好似我沖涼咁, 媽媽因為怕我冷親, 搬個盆入睡房同我沖涼, 一沖完就抱我上床著衫, 好方便, 不過我打從兩個幾月開始已完全唔怕水, 一沖涼就興奮到不停踢水, 仲越來越放肆, 搞到水花四濺, 搞到d牆呀, 地下呀濕晒, 爸爸話d水滲左落木地板就唔掂囉, 咁媽媽就鋪張膠蓆保護地板, 不過都每次都搞到幾乎水浸.
唔好搶我支奶呀!
話說我學人雙手捧奶樽, 呢兩日我真係拿得好穩陣嘞, 爸爸媽媽好開心, 因為以後餵奶可以唔洗幫我拿樽, 可以留返一隻手做其他野囉!
自己識得拿奶樽, 爸爸媽媽餵奶就舒服d啦!
https://bb5.babyhome.com.tw/UPLOAD7/117460/122525.12757889.13074.wmv 
