[left1]今日無咁熱, 媽媽又帶我返婆婆屋企, 每次返婆婆度都要帶好多野, 今日媽媽仲帶埋食糊仔的工具和果汁, 好論盡, 所以最後都係搭的士! 婆婆話我今日幾乖, 無乜扭計, 瞓晒晏覺食奶, 然後聽住音樂自己玩左好耐, 無嘈人, 六點幾婆婆就帶我落街, 婆婆話我一見到孭帶就笑, 好似好鍾意出街咁, 誰知落街行一陣又瞓著!
夜晚爸爸媽媽來到, 媽媽先餵我食糊仔, 我好鍾意咁食晒, 仲等唔切咁每食一匙就叫一下, 嫌媽媽比我食得慢, 食左半碗仔唔夠喉, 再食奶, 但食唔晒8oz, 食左7oz就飽飽!!!
爸爸自以為佢個新髮型似碧咸, 係都要我同佢影張相!
