今日媽媽只需要教諾澄姐姐一個, 寶儀姨姨佢地一早就來到, 媽媽竟然還在刷牙! 我未起床, 但係好快就比寶儀姨姨發現我原來醒左, 我瞓醒會好開心, 見到人會笑, 寶儀姨姨就抱我出廳玩, 又比我吐了一pat奶喺佢膊頭, 好彩佢今日著白色風褸, 唔係又好似上次咁比我搞到佢件黑色衫一撻撻白色野!
下午媽媽無野做, 就帶我返婆婆度啦, 因為今日係婆婆正日生日嘛! 但係媽媽今日好懵, 竟然忙竟帶奶粉, 好彩發現得早, 拿拿聲落藥房買一罐安嬰兒. 媽媽食左飯就去荃灣, 佢話好耐無行街, 所以想出去買d野, 佢終於買左d衫褲比自己嘞! 因為爸爸好跩, 媽媽今日唔受佢玩, 我同媽媽食左晚飯就坐大舅父的車返屋企了.
仲有一件事, 今日我的網頁第一次登上寶寶爬行榜喎, 係0歲5個月組別, 不過有幾個台灣媽咪竟然在我的留言版登廣告, 當然被我媽媽即時刪去!
![寶寶爬行榜_img_1](data:image/gif;base64,R0lGODlhAQABAAAAACH5BAEKAAEALAAAAAABAAEAAAICTAEAOw==)
![第一次登上寶寶爬行榜](data:image/gif;base64,R0lGODlhAQABAAAAACH5BAEKAAEALAAAAAABAAEAAAICTAEAOw==)
第一次登上寶寶爬行榜