今日前前後後有三次大便, 三次都好正常, 十分暢快, 媽媽比返糊仔我食, 食左大半碗奶米糊, 再食四安奶, 好似有d唔夠喉, 夜晚一餐早左半個鐘頭有多就叫肚餓, 媽媽就早d比我開餐!
今日我做左好多事情, 除左日常運作外, 我仲做左好多gym, 睇左砵砵巴士, 聽lovely baby, 玩好多玩具, 仲陪媽媽睇左半隻vcd, 媽媽發現我近來變得好嗲, 成日鍾意黐住大人, 驚我遲下變左跟尾狗!
我在地蓆成日會自動翻身, 但媽媽話食左奶最好唔好咁做, 驚我嘔奶, 於是食奶後將我抱返上搖椅, 用安全帶將我鎖住, 之前我都會好乖咁瞓喺度, 但今日開始在搖椅扭來扭去, 又打側身, 媽媽發現我大脾比安全帶刮到紅晒, 就解開個扣, 點知我竟然在搖椅上翻轉身, 動作好危險, 因為分分鐘會跌落地, 媽媽話我太跩, 以後都要綁實.
今日爸爸放工無帶遮, 差唔多返到屋企竟然落好大好大雨, 最後九點半先返到來, 媽媽要爸爸同我玩左一陣, 因為驚我唔認得佢, 爸爸就抱我嬉戲, 然後媽媽又同我沖涼, 因為我出好多汗, 全個下午都開住冷氣, 都搞到發臭, 唔沖唔得.
好耐無影全家幅了
媽媽話呢部鋼琴我都有份架
