上月17號我學識翻身, 現在已經揮洒自如, 初初學識時有狼狽, 因為隻手比自已壓住, 抽唔返出來, 成日向人求救, 現在已經無呢個問題, 因為我已經可以好瀟洒咁自己擺放我的手, 趴喺地下仲可以維持長d的時間, 仲可以用手去玩玩具, 十分勁! 不過有時趴得耐會攰, 唔知點算就會呀呀叫, 等人來幫我返翻轉身, 然後我又重施故技.
今日又有新招數嘞, 婆婆話見到我趴轉左之後, 識得自己翻返轉, 唔洗人幫, 唔過媽媽就無見到. 今日婆婆同我換片時, 我無端端講: "BB!" 媽媽和婆婆都聽到, 不過只係講左一次! 媽媽去開工留底我比婆婆湊, 我訓左個幾鐘頭晏覺, 媽媽回來我被嘈醒, 大喊一場, 婆婆鍚返, 婆婆要走時我又扭計, 媽媽懷疑我唔想比婆婆走, 於是婆婆又曖多我一陣先走.
媽媽今日終於買到游水尿片比我, 幾時先可以游水呢? 爸爸話等熱d先, 驚我凍親咁話喎, 我地連水泡都買定嘞, 好心急!
昨晚我因為不停boo口水, 被爸爸打嘴仔, 今天有人同爸爸講可能我出牙所以boo, 爸爸覺得打錯我, 良心發現返到屋企不停抱住我又攬又鍚!
上星期寶儀姨姨送比我的半歲生日禮物, 原來豬姨都有份送, 我竟然懵然不知, 真係唔掂! 特此向好錫我的豬姨道歉, 並再三致謝! 豬姨, 謝謝你!
