又到左打針的日子, 今次係乙型肝炎第三針, 打埋呢枝就完成晒嘞, 要到一歲先打其他針. 今早我在睡夢中比媽媽叫醒, 片都未換就坐小巴去健康院, 同前幾次一樣, 我未打針就喊定先, 打左落去就無乜點大喊, 一打完就收晒聲嘞, 返到屋企食奶沖涼, 竟然連續瞓左兩個幾鐘, 可能我真係好眼瞓!
媽媽再接再厲, 今次聽雅怡媽媽話煲節瓜粥仔我食, 今次煲得較稀, 我都好合作咁食晒, 不過今日無大便, 希望明天有.
夜晚為慶祝eco嬸生日, 我地一家三口和bonnie嬸去左君臨晚膳, henry叔都有來, 爛賭叔叔在上海無佢份, henry叔提議叫壽包, 媽媽比左一個我玩, henry叔真係好鍾意食壽包, 竟然食左五個!!!
我架私家車靚唔靚呢?
壽包啊, 你好似我的屁股
大家見到我大個左咁多, 好驚訝啊!
