[left1]今日我又一早摷醒媽媽, 唔比佢瞓, 媽媽見敵不過我, 就起身同我沖涼, 然後食糊仔, 因為今日媽媽要開工, 無時間煲粥仔, 所以簡單d食米糊, 加左d嘉寶牌雞肉, 我都食得晒成碗.
做完呢兩樣野仲好早, 媽媽又要等爸爸打網球返來吃飯, 就諗下有咩同我玩, 媽媽搵左幾件"搵食架生"比我玩, 其實係幾件小樂器, 有響板, 三角鈴, 搖鈴和一個玩具鼓.
呢個鼓係我o既, 就打你先啦!
媽媽用呢幾舊野跟音樂打節奏, 不停咁轉花款, 我對眼就好忙咁追來追去, 之後媽媽續件樂器比我玩, 我特別喜歡個響板和三角鈴, 不過我拎住個三角鈴fing來fing去, 媽媽覺得太危險, 於是搶返.
下午世儀姐姐來探我, 我地去鴻星飲茶, 媽媽帶埋個蘋果去整果蓉我食, 爸爸叫左d古靈精怪的動物點心, 媽媽話好唔等洗, 但幾好味, 之後媽媽就去開工, 返來仲帶左幾件toyRus玩具比我, 聽日又有新玩具玩嘞!
咁多小樂器, 玩邊件先好呢?
