今朝早我如常自動起身, 趴係張床頭昂昂, 搞搞震唔比媽媽瞓, 媽媽把握時間, 瞓多一秒得一秒, 但我竟然趴住都疴poo poo, 咁早有得疴真係少有, 媽媽於是起床, 拿拿聲同我沖涼, 然後食奶.
兩點鐘婆婆來到, 咁啱我瞓著左, 婆婆抱我入房瞓, 媽媽同學生上課, 收工之後就煲粥仔我食, 媽媽今日又係煲蕃茄粥, 加左d現成雞肉, 我都鍾意食, 食完又飲左大半碗水, 跟住無幾耐又大便! 昨天無大便, 今日兩次都唔出奇, 因為今早的便便是昨天的渣滓, 所以一日大兩次都好正常.
我的寵物
今日媽媽比隻倉鼠我玩, 其實係一隻電動倉鼠, 放入一個透明波波裡面就會轉轉轉, 係婆婆買比我的, 不過買果陣時我得兩三個月, 未識玩, 今日媽媽開比我玩, 仲加左一條紅色絲帶比我抯住, 睇住隻倉鼠在波波裡跑來跑去, 好得意, 睇到我眼琼琼, 媽媽睇書本話要幫bb訓練距離感, 呢個遊戲就最fit啦!
下午食左粥仔, 七點又食左蘋果蓉, 晚餐食埋支奶就搞掂晒, 豈料九點幾爸爸媽媽食緊dinner時, 我又"唔...唔...唔..."第三次的份量也好多! 真係講都唔信, 婆婆話我食多疴得多, 不過唔生肉, 就因為我活躍到咩咁, 因為太dirty, 爸爸媽媽忍唔住一定要同我沖多次涼, 真係辛苦爸爸了, 因為我又踢水搞到個地下濕晒!
https://bb5.babyhome.com.tw/UPLOAD7/117460/122525.14834709.51968.wmv 
