[right1]今日媽媽不用教琴, 全日陪住我, 我地玩左好多遊戲呀, 媽媽又比我著eco嬸在日本買的和服仔我著, 好可愛! 其實呢件和服仔係一至兩歲的, 仲有條褲, 但我未著得住, 淨係著件上衣就好啱身!
鬍鬚佬爸爸生日, 我悉心打扮為佢慶祝!
鬍鬚佬爸爸生日, 又係父親節, 對於第一年做爸爸的佢就有雙重意義嘞, 爸爸book左枱食飯, 仲約埋kobie姨姨, winnie姐姐和marco叔叔, kobie姨姨仲送左好靚的芝麻街衫仔比我做爸爸的生日禮物添, 真係神奇! 原來kobie姨姨係忠實fans, 我的一舉一動和我家的大小事務, 只要有記載在昭駿的世界日記裡面的, 佢完全暸如指掌, 真係令我既驚訝又感動!
kobie姨姨送的芝麻街靚衫, 竟然係我爸爸的生日禮物!
唔知點解我對爆炸頭的winnie姐姐特別有好感, 無論佢講野又好, 唔出聲又好, 我都成日望住佢騎騎笑! 佢抱住我我就乖乖地無扭計, 不過媽媽發現我不停咁抽winnie姐姐的水, 爸爸話係正常的, 因為證明我真係一個男仔!
著左Eco嬸送的和服, 好可愛啊!
