我婆婆真係好錫我架, 有幾鍚呢, 當爸爸媽媽話我跩, 扭計到不得了時, 婆婆都會話我好乖, 乖到不得了, 當我扭計咋喊無人抱我時, 婆婆會搶住抱, 去酒樓食飯我唔肯坐bb車時, 婆婆會抱住我食, 當媽媽由得我坐係地下跌來跌去, 婆婆會搶住過來扶我, 你話婆婆係咪真係好錫我, 錫到我燶呢? 媽媽話, 好彩婆婆每星期只係湊我其中三至四日, 否則我一定變成一個超扭計壞細路!
今晚爺爺嫲嫲姑姐等等過來我地呢頭, 去酒樓食飯, 目的係慶祝父親節, 係咪好奇怪呢, 其實五六月份有好多飯要食, 爺爺生日, 爸爸生日, 母親節, 父親節, 媽媽和爸爸兩邊又要各自食一餐, 你話唔分開幾個禮拜食點得呀!?