今日三號風球, 我咁大個仔第一次見到橫風橫雨, 雨點打橫降落, 風聲weeeeeee~~~咁氹氹轉, 搞到我鬼咁好奇, 於是偷偷地爬向露台, 想睇睇"風"景!
我家的影印機被媽媽整壞了, 有一個canon哥哥冒著大風雨來幫我地修理, canon哥哥在細房修理影印機, 媽媽和我在廳睇果本百看不厭的書, 影印機好快就修理好了, 媽媽入去聽哥哥解釋如何保養影印機, 我竟然二話不說咁跟埋入去, 媽媽捉我出去, 我又再爬入去, 唔知係因為我唔怕陌生人, 還是我好想跟實媽媽.
今日爸爸不用返晏, 媽媽就煮飯! 好耐無煮飯了, 廚房只係用來開奶和煲粥仔, 咁耐無煮好彩仲記得, 都算唔太難食, 食左無肚痛都算幾好.
飯後爸爸媽媽同我玩一陣, 我同平時一樣, 臨訓前特別精神, 媽媽已經10:30後先抱我入房, 但依然搞到11點幾, 等我無晒電先訓得著!
