今朝10點鐘醒左, 自己在窗台玩, 以前6,7點左右我會餓醒要食奶, 食完會再訓過, 唔知點解呢個禮拜開始無左呢個習慣, 10點食左奶我就唔會再訓, 媽媽就同我玩一陣, 然後落超市買餸煲粥仔, 沖涼, 食埋粥就差唔多要訓晏覺! 今日多左一個行程, 就係早上落會所兒童室同obi玩左一陣.
媽媽買左泡泡槍, 下午約埋雅雯去公園玩, 原來樓下公園好多bb和小朋友, 平時我地好少去, 因為怕熱! june姨姨負責吹泡泡, 媽媽影相, 我地坐住bb車睇泡泡, 覺得好得意, 仲用手企圖去捉泡泡! 雅雯好叻叻, 佢識講:"波波!"
表姐第一次出糧, 買左個玩具比我, 咁啱又係一個bubble maker! 係沖涼時用來製造泡泡的, 好搞鬼!
同雅雯玩吹泡泡, 好浪漫喎!
