今日媽媽算得閒, 只有一堂琴和一堂樂理, auntie eco來我家, 和媽媽一齊整木糠布甸, 上次我地去uno uno食dinner, 有好多甜品任食, auntie eco, bonnie和媽媽幾個女人話d甜品好正好正, 尤其是木糠布甸, 後來精於甜品製作的阿童姐姐話, 木糠布甸其實好易整咋, 就教左媽媽, 媽媽今日又扮專家, 教auntie eco整一次.
auntie eco來到我家時我訓緊覺, 醒左見到佢, 我竟然大喊, 喊左好耐都唔收聲, 媽媽拿拿聲開支奶, 叫auntie eco餵我飲, 我幾下手勢就食晒食支奶, 食飽左果然唔同晒, 唔喊不單止, 仲笑騎騎好開心, 又爬又企, 又撩人玩, 你話醫飽個肚係咪好緊要呢!
