今早七點九睡醒, 無吃奶又訓返, 一覺訓到十一點, 醒左都無扭肚餓, 真神奇, 媽媽話唔好食奶嘞, 好快就夠鐘食粥仔, 於是比少少蛋糕我做早餐, 沖完涼就, 食左好多粥仔, 媽媽就同我返婆婆屋企.
一入屋, 公公如常好熱情出來歡迎我, 我如常被佢嚇到喊, 婆婆如常鬧公公做乜嚇我, 然後抱我和曖返我! 午飯後媽媽要出去了, 但我仲未肯訓, 婆婆就用孭帶孭住我, 我覺得伏在婆婆背上好好玩, 忍唔住笑左出來.
夜晚如常有好多餸, 婆婆突地為我準備左豆腐蒸鯇魚, 我食左好多, 你知道我份人啦, 有得食就會好合作, 唔扭計. 返到屋企十點鐘, 食埋支奶, 玩一陣, 搗一陣亂, 咦? 差唔多已十一點, 係時候覺覺豬了....!
