[left1]昨晚訓著都有咳, 仲咳多左添, 於是今早媽媽再同我睇多次醫生, 醫生話盡量唔比抗生素我食, 叫媽媽比我同病菌打多兩日仗先, 真係唔得先出動抗生素!
於是今日我繼續同病菌打仗啦, 仲流鼻水添! 打仗之餘都要娛樂, 我如常搞搞震和做左好多怪事, 包括在梳化撻來撻去, 然後瘋狂傻笑, 婆婆話呢個古怪行為太危險, 驚我樂極忘形整親頸骨, 嚴禁我在梳化發傻喎!
為左準備我的第一個萬聖節, 媽媽買左一條halloween口水肩, 一個紅色閃令令珠片牛角頭箍和一個南瓜桶比我應節! 哈哈哈!
呢個小魔怪造型夠唔夠應節呢?
