[right1]今日收到一份好有心思的禮物, 係雅怡媽媽ivy姨姨親手設計的"歐昭駿T恤"! 哈哈, ivy姨姨竟然用左我12張相, 由初生到一歲, 砌成一個 "1" 字, 然後印在件T恤仔正面, 背面仲係爸爸媽媽和我的相! 媽媽都有一件呢! 哈哈, 媽媽話呢份係30年來收到最有心思的禮物呢! 連爸爸都話好! 多謝晒, 多謝晒!
近日常做怪動作, 呢款凌空倒樹葱真係太危險了!
去年今日係我的預產期, 媽媽已經準備就緒等我出來, 不過當日我無動靜, 搞到媽媽坐立不安, 去街又唔係, 留在家又悶到發霉, 哈哈, 真係諗起都好笑!
今日我又發明左個怪動作, 爸爸稱之為"朝拜", 動作就如回教徒朝拜一樣, 跪在地下然後舉高雙手再向前一"拜"! 哈哈...婆婆話我成日整鬼做怪, 又咁大動作, 好易整親, 叫媽媽唔好比我咁做喎!
Ivy姨姨精心製作的1歲T恤, 係咪好有心思呢?
