爸爸今日出發去上海, 清晨六點準備出門口之際, 我突然大喊, 爸爸抱起我發現我疴了臭臭, 原來我疴了幾粒子彈, 真奇怪, 我未試過訓覺大便, 爸爸和媽媽合力幫我換片片, 之後爸爸就出門口了, 要四日後先見到佢, 祝佢旅途愉快, 唔洗掛住我和媽媽架!
今日婆婆和媽媽帶我去健康院打一歲針, 今次磅重體重係9.03kg, 姑娘話我重得好少, 我本來係在50%條線上, 今次竟然跌落到25%! 媽媽大受打擊, 姑娘叫媽媽再比多些奶我飲, 不過大家都覺得健康院姑娘講的說話唔需要太介意, 只要精靈健康, 體重輕少少唔算問題! 今次打針都幾叻仔, 只喊了一聲, 今次媽媽特別留意我的面部表情, 支針入左肉兩秒我先有反應, 然後大喊, 不過好快就收晒聲!
