我的隔離鄰舍edison已經三個幾月大了, 今日sally姨姨帶佢來我家坐, 無見一個月, edison個頭變大左好多呀, 仲多左頭髮! 真係一日不見如隔三秋, 嬰兒的變化真係大, 不過edison依然好可愛又靚仔呢! 媽媽話佢係乖bb, 因為唔多扭計, 又斯文, 我兩個月大時已經常尖叫, 又成日咕咕聲, 好鬼嘈.
媽媽想將chicco遊戲氈送比edison, 因為我已大個仔, 唔啱玩了, 點知一拿出來我就攬住唔放, 死都唔肯比人, 仲流晒d口水落張氈, 媽媽唯有同sally姨姨講下星期先比佢, 點知張遊戲氈放左喺度, 我又吼都唔吼, 媽媽比我吹到啤一聲, 原來真係爭返來的東西先矜貴!
hey, 差d唔記得話你地聽, 我今日13個月大了! 哈哈!
