大家都知道我鍾意車, 坐車, 推車, 駕車, 睇車...全部都鍾意, 我仲識講"車車"添, 不過發音唔正, 會講左"爹爹", 我有一部私家車, 係進哥哥送比我的砵砵車, 唔知點解我就係唔鍾意坐上去, 媽媽一抱我坐, 我總係周身唔自在, 坐唔夠十秒就要跳車, 今晚我又捐枱底想玩呢部砵砵車, 媽媽試下抱我上車坐, 嘻! 我竟然無跳車, 仲自得其樂地向前向後, 成個車主咁款!
講起車, 早兩日媽媽在吉之島十蚊店買在架車仔比我, 係推前推後會發出呼呼聲果種, 我見爸爸媽媽整到好多聲, 但我整唔到, 竟然發脾氣, 不停掉架車落地, 第二日我終於知道點做了, 但掌握得未夠好, 不過媽媽見我能夠自己摸索學識一件事, 覺得好開心啊!