我最愛食野, 現在每日食兩餐粥/飯仔和三支奶, 每論幾唔得閒, 媽媽每日都要準備我的膳食, 每餐都係即煮即食, 唔會食隔夜或隔朝的粥. 媽媽煲粥已經好熟手, 快到15分鐘已經搞掂晒一餐, 攤凍d就食得!
媽媽話要盡量做到一日兩餐用唔同材料, 可以吸收唔同營養, 咁先至好, 通常一餐都有肉有菜, 肉類不外乎係豬, 牛, 雞, 魚, 蔬菜花款就好多, 西蘭花, 甘筍, 菜心, 菠菜, 粟米, 南瓜, 蕃茄....有時仲有雞蛋, 芝士...我全部都喜歡食.
不過新聞話本港好多食物都有問題, 淡水魚有孔雀石綠, 豬有豬鏈球菌, 雞蛋, 菜都不時有問題, 做父母的都咪話唔擔心. 今日ivy姨姨幫媽媽訂左好多澳洲魚和牛肉, 主要係比我食的, 全部雪到一舊舊好似石頭, 媽媽用菜刀搏晒命先劈得開, 哈哈, 成個雪櫃都係我的糧食, 有排食囉!
