[left1]June姨姨送左架遙控車比我做聖誕禮物, 媽媽話我太多玩具, 一直唔肯開比我玩, 今日佢終於肯解封嘞, 係一架藍色"掃把佬"跑車喎! 我有一隻遙控螞蟻, 好好玩, 但行得慢, 呢架車車行得好快好快, 我追都追唔切, 偶然比我追到, 我就捉實佢唔放, 不停前後推, 其實我唔識玩遙控車, 我只不過喜歡推車, 所以爸爸話玩一陣好嘞, 之後要收返好, 大個d先玩. 爸爸話, 佢細個好想要一部遙控車, 但未能如願, 現在我只係一歲就擁有遙控車, 實在太幸福了!
下午爸爸媽媽一齊帶我返青衣, 我地搭巴士, 媽媽要教琴, 先落車, 將我交比爸爸抱, 但我見到媽媽走, 即大喊, 喊到全車的人都望住我, 媽媽隔住玻璃見我喊得咁淒涼, 個心都戚戚然, 不過爸爸話我只係喊左一陣, 巴士一開車, 開行唔夠十米, 我就收晒聲, 繼續睇風景!
我好鍾意呢架遙控車!
