今日在婆婆家玩, 婆婆帶我落街買叉燒, 我自己行, 唔洗人抱, 但婆婆投訴, 話帶我出街好麻煩, 因為我行幾步就停一停, 掛住睇野唔肯行, 我站在髮型前睇果條轉轉光管, 又追住一隻正在和主人散步的小狗, 我好有禮貌, 和汪汪拜拜, 就去酒樓睇叔叔斬叉燒, 順帶一提, 婆婆話買叉燒一定要去酒樓, 不要去街市的燒臘檔, 質素差好遠.
今日係大虎(大舅父)36歲生日, 佢和敏姐姐去海洋公園玩完就返婆婆屋企食飯, 仲買左一個黑森林蛋糕, 我最鍾意食蛋糕, 上次我一歲生日, bonnie嬸都係買一個好靚的黑森林比我! 我唔記得話比大家知, 大虎六月就會同敏姐姐結婚嘞, 恭喜恭喜, 到時我要幫手贈慶架, 好緊張, 唔知著咩衫好呢!