今日婆婆屋企停電30分鐘, 婆婆帶我落街行下, 買益力多, 我her her聲飲晒一支, 唔夠喉, 見到婆婆仲有四支, 我"eat eat聲" (意思是叫大人幫我開一d野), 想婆婆再開一支比我, 但婆婆唔肯, 我唔肯行, 發晒爛渣; 又打婆婆的面, 又扯頭髮! 好橫蠻的行為, 婆婆於是急急腳抱走我, 但最終都無比多一支益力多我.
夜晚返屋企, 媽媽拖住我出了電梯, 到了平台, 我忽然唔肯行, 成個人扒左係地下, 媽媽唯有抱走我, 返到屋企, 我又要按自己家的門鐘, 要按幾次先肯, 扭計得好犀利! 我實在太離譜了! 爸爸媽媽係唔會容許我咁野蠻的行為的, 要好好教育一下先得!
