今日好特別, playgroup只有我一個人返, 因為其他其他哥哥要上幼稚園, 新同學要九月先到, 另一位同我同齡的小朋友又請假, 於是今日只有我一個人, Ms Hazel話: Hey Isaac, let's find the cars! 然後抱左我入課室, 只係同我一個玩! 媽媽覺得有點怪怪地, 但既然Ms Hazel話ok, 媽媽就唔理囉, 去左食早餐, 仲行左一陣綠楊和千色店.
媽媽返來接我, 見Ms Hazel教我用雞皮紙袋做緊一隻giraffe手偶, Ms Hazel伸隻手入紙袋同我玩, 我笑得好開心, 之後媽媽聽到我怪叫, 原來夠鐘放學, 我唔願走! 出來時我手持一塊餅, 原來Ms Hazel又係用餅引誘我!
今日一切如常運作, 好難得的係我竟然肯幫手收玩具車, 因為車係我的第二生命, 竟然肯幫手收車! 梗係啦, 今日都無人同我爭玩車! Ms Hazel話我有進步, 睇故事書時可以指出動物的名稱, 嘻, 最近我接觸好多動物, 昨晚媽媽路過紅蘿蔔寵物店, 專登同我入去望下真的貓, 狗, 白免, 龍貓, 仲有倉鼠! 我見到真的小動物睇到眼定定, 唔記得佢地叫咩名囉!
