婆婆屋企有兩個密實盒, 係放餅餅的, 有4個lock果種, 我次次去都第一時間揾呢兩個盒, 以前我唔識開, 每次都忟忟憎憎, 想人幫我開, 現在我叻左又大力左, 好輕易打開三個lock, 就開到個蓋嘞! 一見到盒裡面好多餅餅, 我開心到"嘩~~~~~~~~"一聲, 有時婆婆都會比一兩塊我!
我實在太為食, 自己的正餐食完, 仲要食大人的飯, 今日婆婆家的午餐係蕃茄牛肉意粉, 我最鍾意食蕃茄和麵麵, 呢餐點少得我, 就係咁我要媽媽和公公比左好多啖我食, 份量幾乎有自己正餐的一半!
星期五的晚飯係好熱鬧的, 舅父舅母大家返晒來食飯, 婆婆又會煮好多好餸, 但今晚啱我食的只有魚魚, 我食左差不多半條倉魚, 我變得好自我, 唔比媽媽餵, 要自己用匙食, 但媽媽最怕我搞到成身飯, 一定要好小心望到實先得.
