今日係爸爸日, 即爸爸負責照顧我, 佢竟然未經媽媽同意, 抱左我去香港工業中心, 原因係爸爸想行果d addidas outlet.
一入貨lift我已經渾身不自在, 瞇實對眼唔肯睇, 爸爸都覺得唔對路, 幾經辛苦揾到addidas outlet, 但一出lift我就大喊, 哭聲震天, 眼見outlet就在眼前, 爸爸都入唔到去, 唯有拿拿聲抱我走.
爸爸買條脆皮云呢拿雪條安撫下我的情緒, 一見有野食, 我即叫"糕!" (雪糕的糕)仲大啖大啖貪婪地食, 口水隨住溶掉的雪糕滴落爸爸身上, 很狼狽, 但雪條真好食, 我心情好到不得了!
