今晚爸爸媽媽去新開的大家樂食飯, 我雖然已經食飽了, 但好鍾意食豬扒和粟米仔, 於是媽媽就切少少比我食, 我食完"扒"又要求食"米", 就係咁爸爸媽媽就可以舒舒服服咁出街食餐飯.
爸爸見今晚唔太涼, 提議去運動場跑步, 但運動場今晚封場了, 我地轉移到隔離的硬地足球場跑, 今晚竟然無人踢波, 成個球場比我用晒, 但我只喜歡在坑渠蓋上面跑.
運動完後返屋企睇英文卡卡, 媽媽拿出放卡的盒, 我竟然能夠讀出盒上面"Disney"呢個字, 相信係最近睇得baby einstein多, 每次開場前都出現Disney呢個字, 媽媽都會指住d字讀比我聽. 媽媽參考your baby can read的方法鼓勵我認字, 我現在已經認到40-50個英文詞語了!
