凌晨兩點突然醒, 媽媽發現我全身發滾, 探熱有38點幾度, 少少燒, 嚴峻的餵藥考驗完成後, 無幾耐就退燒, 但我醒左好精神, 最後都係靠食支奶先回復返睡眠情緒.
本來今日返playgroup補堂, 又要順延了, 上午又再燒一次, 媽媽一個人餵藥, 十分艱難, 不過幾經訓練, 終於成功了. 但我今日整個早上都唔肯離開睡房半步, 嚴格來說我只係黐住張床, 不停睇dvd和玩車, 連中午飯都在房食. 到下午大舅父來到, 我先肯稍為出廳玩一陣, 晏覺訓左兩個鐘頭, 之後又再燒, 唯有食多次藥, 今次退燒後到夜晚訓覺都無再燒了.
現在是水豆和麻疹高峰期, 舊年我出玫瑰疹, 初時都係不斷發燒, 到第三日紅疹出現. 今次發燒無任何症狀, 有可能係出疹先兆, 要密切留意!
