2008年到了, 我出生後已進入第三個年頭, 新年似乎對我未有任何意義, 我依然活潑好動, 百厭和搞鬼, 前兩三年開始, 媽媽和uncle zane和joyce姨姨都會在1月1日搞派對, 今年都唔例外, uncle zane話呢個傳統要直到永遠, 每年今日都要到我家聚一聚, 媽媽仲煲響螺竹絲雞湯招呼大家.
夜晚姑媽來接我和媽媽去旺角倫敦酒樓食飯, 原因係大舊表哥23歲生日! 表哥生日, 唔知點解我會得到一份thomas禮物! 爸爸要返工, 媽媽一個人招呼我食飯, 自己都無乜點食, 連嫲嫲都發現媽媽無乜食過飯!
由於荔枝角地鐵站無電梯, 推bb車出入係好唔方便的, 飯後大舊表哥護送我返屋企, 眨下眼大舊表哥都大個仔了, 出來社會做事了, 唔再係以前傻更更的迷茫少年了!