最近天氣冷又乾燥, 媽媽用娥羅納英軟膏幫我搽面仔, 防爆拆, 我好喜歡搽面面, 一到早晚, 通常食完奶, 就攞起支娥羅納英, 同媽媽講: "搽!" 我會用右手食指篤一篤d膏, 然後輕輕掃一掃自己的面, 然後重覆四五次, 但我只集中搽右邊面, 搞到右邊面太多膏, 好"立".
媽媽見我鍾意飲湯湯, 今日又煲犀利野, 有川貝舞茸, 一舊豬展和兩個apples, 有強肺作用, 我飲了2碗, 好潤.
最近有好多thomas玩具, 但我無忘記媽媽買比我的第一套廉價火車路軌玩具, 今晚我突然指住書櫃頂, 說: "train! train!" 媽媽都唔記得呢副火車已被放上櫃頂, 唔知點解我會知道. 我和媽媽玩左好耐, 好開心!
