今晚爸爸媽媽又去大家樂打邊爐, 我已經在家食過飯了, 所以我只係去陪坐, 在快餐店打邊爐令我很好奇, 肉肉, 菜菜, 麵麵都放在隻船上, 職員姨姨會捧個爐過來, 仲用支槍點火! 然後熱氣騰騰升上來, 爸爸媽媽把肉肉呀, 菜菜放入窩, 撩撩下, 一陣就食得, 爸爸比我一隻碗仔, 媽媽分少少雞柳, 墨魚滑比我, 我用牙簽吉吉.
然後我又食米線, 但弄得一地都係, 要清潔姨姨幫我清理, 姨姨話我靚仔, 我故作怕醜, 在傻笑, 姨姨叫我唔好怕醜, 因為要溝女! 臨走時我仲同姨姨飛吻, 媽媽從來未見過我飛吻, 因為無教過我呢個動作, 唔知點解我突然咁熱情!
