大家有無去過沙田禾輋村的陳根記大牌檔食野呢? 陳根記三個字婆婆成日掛在口邊, 話好好食, 好馳名, 非去不可! 於是今晚大虎就駕架砵砵車載我地去試一試.
媽媽今晚7:30收工, 我地先去青衣接媽媽, 其間婆婆去翠怡商場借廁所一用, 帶埋我去, 一出廁所就見到麥當奴, 我去過5次麥當奴, 記得有好味薯條, 我拖住婆婆的手, 係都要入去, 不停講:"阿條! 阿條!" 婆婆心軟買左一包細薯條比我, 事後當然被大家指責, 婆婆真係矛盾, 又話縱壞我, 又話間中都要縱下喎!
不過錯有錯著, 陳根記的食物唔太啱我食, 我只係食左少少蛋和飯, 手絲雞, 墨魚餅我都唔多喜歡, 包薯條可以頂下肚餓. 呢間陳根記真係馳名, 坐無虛席, 仲見到無線藝員.
飯後大虎經今日啟用的新隧道, 名叫"尖山隧道"由沙田返長沙灣, 果然好快!
