我鍾意食魚,媽媽今日買左舊鯇魚比我做晚餐,舊魚都幾大舊,我一個人幾乎食得晒,加碗白飯,好快就食晒餐飯,我食野都幾揀擇,唔鍾意食的會含住啖飯唔吞,甚至唔食,好彩呢種情況唔係經常出現,媽媽都唔洗好勞氣.今日無節目,傍晚媽媽帶我去會所,遊戲室得我一個,比我玩晒,但我唔覺孤單寂寞,一個人都玩得好開心.我在會所無端端數數目,由一數到十三,清楚大聲,而且係用中文的,媽媽第一次聽見,好開心!
