神童莫札特在剛學會走路時, 常常爬上琴櫈彈琴, 尤其喜歡摸著三度和弦, 莫爸爸放棄自己的事業, 全心栽培兒子走上音樂道路, 終於出了一位驚世音樂奇才!
據聞嬰兒莫札特當時唔夠高, 將爸爸的書本叠高高, 當腳踏爬上琴櫈彈琴, 我同莫扎特一樣, 都有搞琴呢鋪癮, 但我唔洗用書本叠高高, 一個鯉魚翻身已經跳上琴櫈, 我唔曉彈三度和弦, 但我會隨手攞一本琴書(通常係小奏鳴曲, 可能喜歡綠色封面), 放在譜架揭來揭去, 裝模作樣亂彈一通, 音域橫跨幾個八度, 強弱對比強烈, 無調性, 無拍子, 像極戰後的新派甚麼xx主義作品, 今晚媽媽在廁所解手時我便彈奏一曲, 幫佢解悶, 隨意發揮的聲音都有其可聽性, 彈奏完畢不忙走到廁所門口接受fans歡呼拍掌呢!
