今日媽媽煮鴨心菜飯比我做午餐, 我唔鍾意咁多菜, 媽媽係知道的, 但佢竟然加左好多芥蘭苗入我的飯, 我一啖都唔肯食! 其實我今朝早起身, 到午飯時間已經好眼訓, 自己熄電視想入房訓, 但被媽媽叫返出來食飯, 心情已經不佳, 媽媽本來以為呃呃氹氹可以令我食晒碗飯, 點知徹底失敗, 於是媽媽拿拿聲塞塊芝士夾麵包比我頂住肚, 食飽飽先去訓.
下午我訓醒, 唔見左媽媽, 大喊, 爸爸用3G電話打比媽媽, 媽媽在電話中見我得淒涼, 爸爸又搞我唔掂, 無眼睇. 然後爸爸發現我想大便, 又大唔出! 去會所奔跑一陣, 竟然大左出來! 拿拿聲返屋企清理. 媽媽懷疑我訓覺時冷親肚仔, 於是喊醒, 然後肚疴, 好彩夜晚返來見我無異樣, 仲好搞鬼, 應該無事.