唔知幾時開始媽媽開始教我身體部位的名稱, 又唔知幾時開始我大致已經識得晒, 我尤其喜歡指住媽媽, 爸爸或婆婆的眼耳口鼻, 又喜歡強行伸手入媽媽的口, 指出teeth和tongue的名稱, 又會揭起媽媽的衫找出bellybutton... 後來媽媽連elbow, ankle, chin, cheek, back都教埋我了, 應該知道的部位都齊了, 唯獨是屁股(bottom), 講極我都無反應, 媽媽一邊同我沖涼, 一邊打我pet pet, 話我知呢個係屁股bottom, 我都無鬼理佢.
誰知今晚沖涼, 我將個洗頭水蓋放上頭頂, 話係"Head", 無錯, 講得正確, 然後我不停自打pet pet, 不停講著"bottom bottom bottom bottom..." 初時媽媽唔知我講乜 (近來好多怪語言, 要諗一諗先大概估到意思), 思考十五至二十秒之後才叮一聲諗到, 原來我打住個pet pet, 想講BOTTOM.
近來的語言開始多樣化, 媽媽腦筋轉唔切, 都估唔到我想講乜野, 較常講又能夠理解的句子, 有"tunnel! Out the (other) side!(過隧道, 天橋底, 玩火車時講" "Green means go!(交通燈轉綠色時講)" "train! here it comes! (見到地鐵時講) "蝴蝶蜜蜂! (見到花草樹木時講)" "Come here! (叫人過嚟)" "喂! 邊個! 拜拜! (扮打電話, 有時會用花灑頭來扮)"
