我出生時婆婆做了一個小米袋比我, 一直放在我的床仔, 變成我臨訓前的玩具, 今日訓晏覺時, 米袋終於破了, 米走晒出來, 我好似玩泥沙咁開心, 米粒搞到通屋都係, 半日都清理唔完呢!
仲有2個月幼稚園就開學了, 今日收到stafford的信, 我同obi編埋同一班, 正式做同學呢! 幼稚園的書簿費都好貴, 全部買齊要一千八百幾, 真係好貴!
夜晚媽媽陪我入睡, 我見到媽媽的t恤有鋼琴圖案, 我話:彈琴! 然後兩隻手放在媽媽身上, 作狀彈琴, 然後竟然講: "do-mi" 媽媽問我係唔係想講do-re-mi呀? 就同我一齊唱do-re-mi-fa-so-la-ti-do', 我一一跟住媽媽唱, 但當然沒有音準, 但媽媽好開心, 因為我自出娘胎媽媽都唔察覺我有音樂興趣, 今日竟然自發唱出do-mi, 就如三百幾年前三歲的莫扎特爬上鋼琴彈出三度和弦一樣, 令人振奮非常!
